રાજકોટ / 31st પહેલા રાજકોટમાં 6492 વિદેશી દારૂની બોટલ સાથે 6ની ધરપકડ, બે માથાભારેને શોધવામાં લાગી પોલીસ 

• 31 ડિસેમ્બર પહેલા બૂટલેગરો બેફામ
• 32 લાખ રૂપિયાનો વિદેશી દારૂ ઝડપાયો
• એક સગીર સહિત 6 શખ્સોની ધરપકડ

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે આગામી દિવસોમાં 31 ડિસેમ્બર અને નવા વર્ષની ઉજવણી પહેલા બૂટલેગરો સક્રિયા થયા છે 31 ડિસેમ્બને યાદગાર બનાવવા ડીજેના તાલે ઝૂમી તેમજ દારૂની રેમલછેલ કરતા લોકોને લઈને પોલીસ પહેલાથી જ અલર્ટ બની ગઈ છે તો બીજી તરફ ગુજરાતમાં દારુ ઘૂસાડવા માટે પણ બૂટલેગરો પણ અવનવી તરકીબો અજમાવતા જોવા મળે છે ત્યારે પોલીસે લાખો રૂપિયાનો દારુ ઝડપી પાડ્યો છે. 

32 લાખ રૂપિયાનો વિદેશી દારૂ ઝડપાયો

રાજકોટમાં કુવાડવા GIDC વિસ્તારમાંથી પોલીસે લાખો રૂપિયાનો દારૂ ઝડપી પાડ્યો છે. 31 ડિસેમ્બર પહેલા જ પોલીસે 32 લાખના દારૂ સાથે 6 શખ્સો સહિત એક સગીરની ધરપકડ કરી છે. આ દારુ વડોદરાના બૂટલેગર નાગદાન ગઢવીનો હોવાનું મનાઈ રહ્યું છે. પકડાયેલો આ દારૂ ભાવનગરના ઈમરાન હારુ કાલવાને પહોંચાડવાનો હતો પરતું પોલીસને બાતમી મળતા જ કાર્યવાહી હાથ ધરી હતી. હાલ તો પોલીસે 6492 વિદેશી દારુની બોટલ જપ્ત કરી નાગદાન અને ઈમરાન નામના બૂટલેગરનો શોધવા કવાયત શરૂ કરી છે.