મહેસાણાના સતલાસણા તાલુકાના કોઠાસણા ગામમાં એક દલિત યુવકનો મૂછ મરોડતો ટિકટોક વીડિયો યુવક માટે મુસિબતનું કારણ બન્યો હતો. યુવકને ગામના સાત યુવાને આ વીડિયો બાદ ધમકાવ્યો હતો અને તેની મૂછો મુંડાવી નંખાવી હતી. એટલુ જ નહીં પરંતુ ફરીથી તેનો માફી માંગતો વીડિયો વાયરલ કર્યો હતો. સતલાસણ પોલીસ સ્ટેશનમાં આ અંગની પોલીસ ફરિયાદ કરવામાં આવી હતી જેના પગલે પોલીસે આજે 6 આરોપીઓની ધરપકડ કરી છે.
ટીકટોક વીડિયો બનાવતા વિવાદ થયો હતો
યુવકને ધમકાવી મૂછો મુંડાવી
પોલીસે 6 આરોપીઓની કરી ધરપકડ
મોટા કોઠાસણા ગામનાં યુવકે ટીકટોક પર લોકગાયક " ગીતા રબારીનાં રાંણા તો ફરવાનાં" ગીત સાથે મૂછ ફેરવતો વીડિયો સામે આવ્યો હતો. આ વીડિયો વાયરલ થયો હતો. જે બાદ તે જ ગામનાં અન્ય યુવકોએ આ મૂછ સાથે ટીકટોક કરનાર યુવકને માર મારીને તેની મૂછો કઢાવી હતી.
પોલીસે 6 આરોપીઓની કરી ધરપકડ
પોલીસ સ્ટેશનમાં આ અંગેની ફરિયાદ નોંધવામાં આવી છે. જે બાદ પોલીસનાં કાફલાએ ગામમાં સઘન પોલીલ બંદોબસ્ત ગોઠવ્યો હતો. પોલીસે સાત યુવાનો સામે રાયોટિંગ, મારામારી, એટ્રોસિટી તેમજ આઇટી એક્ટ મુજબ ગુનો નોંધી વધુ તપાસ હાથ ધરી હતી જેને પરિણામે 6 જણાની ધરપકડ કરવામાં આવી હતી.
યુવકને ધમકાવી મૂછો મુંડાવી
યુવકને ધમકી મળી હતી કે મૂછો હટાવી દે તો તેને ઘરે જઇને મૂછો કાઢી નાંખી હતી. જે બાદ તે ગામમાં આવ્યો ત્યારે કેટલાક લોકોએ તેનો ફરીથી વીડિયો બનાવ્યો. જેમાં તેને બોલાવ્યું કે, હવે હું ફરીથી મૂછો નહીં વધારું. મને માફ કરી દો. આ વીડિયોને તેઓએ પોતાનાં સમાજમાં વાયરલ કરી દીધો હતો. આ અંગેની જાણ થતા તરત જ પોલીસ એક્શનમાં આવી ગઇ હતી. આ અંગેની એફઆઈઆર નોંધી લેવામાં આવી છે અને તપાસ ચાલુ છે.