ગાંધીનગરમાં આજે કોંગ્રેસ દ્વારા વિરોધ પ્રદર્શન કરવામાં આવ્યું. તૌઉતે વાવાઝાડા પર રિ સર્વે કરવા માટે આ વિરોધ પ્રદર્શન કરવામાં આવ્યું હતું. જેમાં કોંગ્રેસના 50 ધારાસભ્યોની અટકાયત કરવામાં આવી છે.
ગાધીનગરમાં કોંગ્રેસનું વિરોધ પ્રદર્શન
કોંગ્રેસના 50 ધારાસભ્યોની પોલીસે કરી અટકાયત
પોલીસ સાથે ઘર્ષણ થતા પરેશ ધાનાણીના માથે ઈજા
ગુજરાતમાં આગામી વર્ષ વર્ષે વિધાનસભા ચૂંટણીને લઈને દરેક પાર્ટી દ્વારા પૂર જોશમાં તૈયારીઓ કરવામાં આવી રહી છે. ખાસ કરીને કોંગ્રેસ દ્વારા ઘણા મુદ્દે સરકારનો વિરોધ કરવામાં આવી રહ્યો છે. ત્યારે વધુંમાં આજે ફરી વખત ગાંધીનગરમાં કોંગ્રેસ દ્વારા સરકાર સામે વિરોધ પ્રદર્શન કરવામાં આવ્યું. જેમા કોંગ્રેસના 50 જેટલા ધારાસભ્ચોની અટકાયત કરવામાં આવી હતી.
તૌઉતે વાવાઝાડા પર રિસર્વે
સાંભળીને તમે આશ્ચર્યમાં મુકાઈ જશો કે તૌઉતે વાવાઝોડાના રિ સર્વે પર કોંગ્રેસ દ્વારા આજે વિરોધપ્રદર્શન કરવામાં આવ્યું હતું. જોકે આ વિરોધ પ્રદર્શનમાં પોલીસ અને કોંગ્રેસના ધારાસભ્યો વચ્ચે ભારે ઘર્ષણ થયું જેના કારણે મામલો વણસ્યો હતો.
માછીમારો અને ખેડૂતો માટે સરકાર સામે વિરોધ
આ વિરોધ પ્રદર્શનમાં પરેશ ધાનાણીના માથાના ભાગે ગંભીર ઈજા પહોચી હતી. માછીમારો અને ખેડૂતોને પૂરતું વળતર મળી રહે તે બાબતે આ વિરોધ પ્રદર્શન કરવામાં આવ્યું હતું. કોંગ્રેસનું કહેવું છે કે તેમને સરકાર દ્વારા પુરતા પ્રમાણમાં વળતર નથી મળ્યું જેથી આ મામલે સરકાર દ્વારા રિ સર્વે કરાવીને તેમને પુરતા પ્રમાણમાં વળતર આપવામાં આવે.
50 ધારાસભ્યોની અટકાયત
ઉલ્લેખનીય છે કે આ વિરોધ પ્રદર્શનમાં પોલીસ તેમજ કોંગ્રેસ વચ્ચે ઘર્ષણ થયું હતું. જેમાં કોંગ્રેસ નેતા પરેશ ધાનાણીના માથાના ભાગે ઈજા પણ પહોચી છે. પોલીસ દ્વારા કોંગ્રેસના 50 જેટલા ધારાસભ્યોની અટકાયત કરવામાં આવી છે. જેમા અમિત ચાવડા અને પરેશ ધાનાણી સહિતના નેતાઓની પોલીસે અટકાયત કરી છે.
અમારા પર હુમલો થયો : પરેશ ધાનાણી
ઉલ્લેખનીય છે આ સમગ્ર મામલે પરેશ ધાનાણીના માથાના ભાગે ઈજા પહોચી છે. જેના કારણે તેમણે એવા આક્ષેપ કર્યા છે, કે તેમના પર હુમલો કરાવામાં આવ્યો છે. જેથી આ સમગ્ર મામલે હવે રાજકારણમાં ગરમાવો આવ્યો છે.