કાર્યવાહી / જૂનાગઢ ભાજપના અગ્રણીના રિસોર્ટમાં પોલીસ-SOGના દરોડા, પૂર્વ શહેર પ્રમુખ કરશન ધડુકના પુત્ર સહિત 15 જુગારીઓની ધરપકડ

• ભાજપના પૂર્વ શહેર પ્રમુખ કરશન ધડુકના પુત્રની ધરપકડ
• કરશન ધડુકના રિસોર્ટમાંથી 15 લોકોની ધરપકડ
• મોટી રકમના મુદ્દામાલ સાથે જુગારીઓ ઝડપાયા

જૂનાગઢમાં એસેલ પાર્ક રિસોર્ટમાં જુગારધામ પર પોલીસે દરોડા પાડ્યા હતા. રિસોર્ટમાં ચાલતા જુગારધામનો પર્દાફાશ થયો છે. ભાજપ અગ્રણીના રિસોર્ટમાં પોલીસે મોટી કાર્યવાહી કરી છે. રિસોર્ટમાંથી ભાજપના પૂર્વ શહેર પ્રમુખ કરશન ધડુકના પુત્ર મનીષ ધડુક અને 2 મહિલા સહિત કુલ 15 લોકોની ધરપકડ કરવામાં આવી છે. આ તમામ જુગારીઓ મોટી રકમના મુદ્દામાલ સાથે ઝડપાયા છે. પોલીસે ઘટનાસ્થળેથી મોટો મુદ્દામાલ પણ કબ્જે લીધો છે. હજુ પણ પોલીસ અને SOGની સંયુક્ત તપાસ ચાલુ છે. ભાજપના અગ્રણીની હોટલમાં જુગારધામના પર્દાફાશથી ચકચાર મચી છે.