પ્રદર્શન / ચીન વિરુધ્ધ હોંગકોંગ એરપોર્ટ પર ધરણાં સમયે જોરદાર હંગામો

• ચીન પોતાના સૈનિકોને હોંગકોંગની સરહદ પર મોકલી રહ્યું છેઃ અમેરિકા
• હોંગકોંગ એરપોર્ટ પર છેલ્લા બે દિવસથી પ્રદર્શનના કારણે મુશ્કેલી
• આ દરમિયાન પ્રદર્શનકારીઓ અને યાત્રીઓ વચ્ચે થયો હંગામો

હોંગકોંગની વિધાન પરિષદમાં સોમવારે પ્રદર્શનકારીઓ ઘુસી ગયા હતા અને કલાકો સુધી બાનમાં લીધી હતી. આ દરમિયાન વિધાન પરિષદમાં પ્રદર્શનકારીઓએ તોડફોડ કરી નુકસાન પહોંચાડ્યું હતું અને દિવાલ પર આઝાદીના સૂત્રોચ્ચાર લખ્યાં હતા. 

ઉલ્લેખનીય છે કે હોંગકોંગમાં છેલ્લા ઘણા સમયથી પ્રદર્શન ચાલી રહ્યું છે જે હવે વિકરાળ સ્વરૂપ લઇ રહ્યું છે. મંગળવાર પ્રદર્શનકારીઓ દ્વારા કરવામાં આવી રહેલા પ્રદર્શનના કારણે એરપોર્ટ પર અફરાતફરીનો માહોલ સર્જાયો. જેના કારણે એરપોર્ટ પરથી અનેક વિમાન સેવા રદ્દ કરાઇ છે.

ભીડને કાબૂમાં લેવા માટે પોલીસે મરચાંનો સ્પ્રેનો ઉપયોગ કર્યો. જો કે બીજી તરફ અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું છે કે ચીન પોતાના સૈનિકોને હોંગકોંગની સરહદ પર મોકલી રહ્યું છે. ઉલ્લેખનીય છે કે કોઇપણ વ્યક્તિને ચીનને સોંપવાના સંબંધી વિધેયકને લઇને હોંગકોંગમાં પ્રદર્શનકારીઓ રોડ પર આવી ગયા હતા.

બ્રિટને 1997માં હોંગકોંગને ચીનને સોંપી દીધુ હતું. જો કે હવે આટલા વર્ષો બાદ ચીન પ્રશાસન સામે સૌથી મોટો પડકાર ઉભો થઇ ગયો છે. દુનિયાના સૌથી વધુ વ્યસ્ત એરપોર્ટમાંથી એક હોંગકોંગના એરપોર્ટ પર છેલ્લા બે દિવસથી પ્રદર્શનના કારણે મુશ્કેલી ઉભી થઇ ગઇ છે.

જો કે ચીનના અધિકારીઓ હિંસક પ્રદર્શનકારીઓની ટીકા કરતાં કહ્યું કે તેઓએ પોલીસકર્મીઓ ઉપર પેટ્રોલ બોમ્બ ફેંક્યા છે. જો કે અધિકારીઓએ પ્રદર્શનકારીઓની સરખામણી આતંકવાદીઓ સાથે કરી. જ્યારે બીજી તરફ સંયુક્ત રાષ્ટ્ર માનવાધિકારના પ્રમુખે પ્રદર્શનકારીઓ વિરુધ્ધ પોલીસ બળના ઉપયોગને વખોડી નાંખ્યો હતો અને નિષ્પક્ષ તપાસ કરવાની માંગ કરી હતી.