એલર્ટ / અમદાવાદ પોલીસ સજ્જ: વરસાદને લઈ કોઈ પણ મુશ્કેલી પડે તો ધુમાવો આ નંબર, CPએ આપી મદદની ખાતરી

• અમદાવાદ શહેરમાં વરસાદની સ્થિતિને લઇ પોલીસ એલર્ટ
• શહેર પોલીસ કમિશનર સંજય શ્રીવાસ્તવનું નિવેદન
• વરસાદમાં પોલીસની અલગ અલગ ટીમો રહેશે તૈનાત

અમદાવાદ શહેરમાં છેલ્લાં 72 કલાકમાં પડેલા વરસાદે સમગ્ર શહેરને પાણી પાણી કરી નાખ્યું છે..તેવામાં આગામી ત્રણ દિવસ હજુ પણ અમદાવાદ સહિતનાં મધ્યગુજરાતમાં ભારેથી અતિ ભારે વરસાદની આગાહીનાં પગલે AMC ની સાથે શહેર પોલીસે પણ ખાસ એક્શન પ્લાન બનાવ્યો છે. મહત્વનું છે કે શહેર પોલીસ દ્વારા વરસાદની વચ્ચે ગ્રાઉન્ડ પર જે કામગીરી કરવામાં આવી રહી છે તેવામાં અતિવૃષ્ટીને લઈને શું છે અમદાવાદ પોલીસે એક્શન પ્લાન તૈયાર કર્યો છે.

પોલીસ જવાનો ખડેપગે
ગુજરાતમાં અલગ અલગ ભાગોમાં છેલ્લા ત્રણ દિવસથી મેઘ મહેર જોવા મળી રહી છે તેવામાં આગામી બે થી ત્રણ દિવસ અમદાવાદ સહિતના મધ્ય ગુજરાતમાં ભારેથી અતિ ભારે વરસાદની હવામાન વિભાગે આગાહી વ્યક્ત કરી છે.. તેવામાં અમદાવાદ શહેર પોલીસ પણ હવે સ્થાનિક તંત્રની સાથે વરસાદના સમયમાં કોઈપણ સ્થિતિને પહોંચી વળવા માટે સજ બની છે મહત્વનું છે કે અમદાવાદ શહેર પોલીસ કમિશનર સંજય શ્રીવાસ્તવ દ્વારા પ્રેસ કોન્ફરન્સ યોજીને આ અંગે માહિતી આપવામાં આવી હતી અતિવૃષ્ટિ દરમિયાન સ્થિતિને પહોંચી વળવા માટે અમદાવાદ શહેરમાં પોલીસ હેડ ક્વાર્ટર ખાતે 100 જેટલા લાઇફ જેકેટ અને 100 એર ટ્યુબ રાખવામાં આવી છે તેમજ બચાવ ની કામગીરી માટે 25 પોલીસ કર્મચારીઓની ટીમ કાર્યરત કરવામાં આવી છે..

રસ્તા બ્લોક ન થાય તે માટેનું પોલીસનું ખાસ આયોજન
અમદાવાદ શહેર ટ્રાફિક શાખા ખાતે 9 ટુ-વ્હીલર અને પાંચ ફોરવ્હીલરની સાથે બે હેવી ક્રેન પણ સ્ટેન્ડ બાય કરી દેવામાં આવી છે, જેથી કરીને વરસાદની સ્થિતિ વચ્ચે કોઈ પણ જગ્યાએ ટ્રાફિક જામની સમસ્યા સર્જાય તો ત્વરિત જે તે સ્થળ પર ટ્રાફિકને નિયંત્રણ કરવામાં આવે શહેર ટ્રાફિક પોલીસ શાખાનો પોતાનો મોનસુન પ્લાન પણ બનાવ્યો છે.. જેમાં કયા રસ્તા બંધ થાય તો કયા વૈકલ્પિક રસ્તાઓ ખોલવા તે અંગેની વિગત તૈયાર કરવામાં આવી છે..અમદાવાદ શહેર પોલીસ કંટ્રોલરૂમ પાસે ડિઝાસ્ટર બ્લડ કંટ્રોલરૂમનું સંકલન પણ સાધવામાં આવ્યો છે.. મહત્વનું છે કે અમદાવાદ મ્યુનિસિપલ કોર્પોરેશનના મોનસુન કંટ્રોલરૂમ ખાતે શહેર પોલીસના કંટ્રોલરૂમ સાથેનો સંકલન થાય તે માટે વાયરલેસ સેટ સાથે પોલીસ વાયરલેસ ઓપરેટરને તૈનાત કરી દેવામાં આવ્યા છે.

પાણી ભરાયા હોય તો 100 નંબર પણ મદદ માંગી શકે છે
મહત્વનું છે કે અમદાવાદ પોલીસે વરસાદનાં સમયમાં રોડ રસ્તા પરનાં અનેક લોકોની મદદ કરી, શ્રમીકો માટે જમવાની પણ વ્યવસ્થા કરવામા આવી હતી..અમદાવાદ શહેર પોલીસ કમિશનર દ્વારા શહેરીજનોને કોઈપણ પ્રકારની મુશ્કેલી હોય તો 100 નંબર ઉપર ડાયલ કરી શહેર પોલીસની મદદ માગવા માટે જણાવવામાં આવ્યું છે, સાથે જ વરસાદનાં સમયમાં જરૂર વિના ઘરની બહાર ન નિકળવાની પણ અપીલ કરવામા આવી છે.