તૈયારી / રામ મંદિર નિર્માણની શરૂઆત બાદ રવિવારે બાબરી ધ્વંસની પહેલી વરસી, ગોઠવાયો ચાંપતો બંદોબસ્ત

• આવતીકાલે બાબરી ધ્વંસની વરસી 
• સ્થાનિક પોલીસ એલર્ટ 
• સમગ્ર વિસ્તારમાં ગોઠવાયો ચાંપતો બંદોબસ્ત 

પોલીસ પ્રશાસન આ અંગે સંપૂર્ણ રીતે એલર્ટ બની ગયું છે. સુરક્ષા વ્યવસ્થા અંગે જિલ્લાને 3 ઝોન અને 10 સેક્ટરમાં વહેંચી દેવામાં આવ્યું છે અને પોલીસ અને વહીવટી અધિકારીઓની ફરજ લાદવામાં આવી છે. એસપી દ્વારા કોઈપણ સ્તરે ધરણા પ્રદર્શન અને મોટા કાર્યક્રમો પર પ્રતિબંધ મૂક્યો છે.

6 ડિસેમ્બર 1992 ના રોજ વિવાદિત માળખું તોડી પડાયું હતું
 
આપને જણાવી દઇએ કે, 6 ડિસેમ્બર 1992 ના રોજ વિવાદિત માળખું અયોધ્યામાં તોડી પાડવામાં આવ્યું હતું. ત્યારથી, હિન્દુ સંગઠનોના લોકો આ દિવસને શૌર્ય દિવસ તરીકે અને વિશેષ સમુદાયોના લોકો બ્લેક ડે તરીકે ઉજવે છે. આ વર્ષે અયોધ્યા કેસમાં સુપ્રીમ કોર્ટના ચુકાદા બાદ રામ મંદિરનું નિર્માણ શરૂ થયું છે. જે બાદ 6 ડિસેમ્બરની તારીખ પહેલીવાર આવશે ત્યારે પોલીસ અને પ્રશાસને એલર્ટ કરવામાં આવ્યા છે. 

કોઈપણ પ્રકારના ધરણા કે પ્રદર્શનની મંજૂરી નહીં 

આ મામલે ADM બાગપત અમિત કુમારે જણાવ્યું હતું કે 6 ડિસેમ્બરે સંપૂર્ણ તૈયારીઓ કરવામાં આવી છે. તમામ અધિકારીઓને ઝોનલ અને સેક્ટર મેજિસ્ટ્રેટ તરીકે જવાબદારી સોંપવામાં આવી છે. જેમાં કોઈપણ પ્રકારના ધરણા કે પ્રદર્શનની મંજૂરી આપવામાં આવશે નહીં. 

રવિવારે સવારથી જ પેટ્રોલિંક કરાશે 

એસપી અભિષેક સિંહે જણાવ્યું હતું કે રવિવાર સવારથી પીએસી અને પોલીસ ટીમો જિલ્લાભરમાં જુદા જુદા પોઇન્ટ પર પેટ્રોલિંગ કરશે અને તૈનાત રહેશે. કોઈપણ વિરોધ પ્રદર્શન મળતાં કાયદેસરની કાર્યવાહી કરવામાં આવશે.

સોશિયલ મીડિયા પર સાયબર સેલની નજર

એસપી અભિષેક સિંહે જણાવ્યું હતું કે 6 ડિસેમ્બરે ધ્યાનમાં રાખીને સાયબર સેલમાંથી સોશિયલ સાઇટ્સ જોવાની કડક સૂચના આપવામાં આવી છે. જેમાં સોશિયલ સાઇટ્સ પર અરાજકતા ફેલાવનારાઓને પણ જેલની સજા પાછળ મોકલવામાં આવશે.