નવરંગપુરામાં આવેલા કમલનયન એપાર્ટમેન્ટમાં ચાલતા પીજીમાં કેરટેકર મહિલાની સાથે મોડી રાતે ભાવિન શાહ નામના ડિલિવરી બોયે કરેલાં શારિરીક અડપલાં બાદ વિકૃત હરકતની ઘટનાના ઘેરા પ્રત્યાઘાત સમગ્ર રાજ્યમાં પડ્યા છે. શહેરમાં બિલાડીના ટોપની જેમ ફૂટી નીકળેલાં પીજી સેન્ટર કોઇ પણ નીતિ-નિયમો વગર ચાલે છે.
જેના પર લગામ લગાવવા માટે પોલીસ એક્શન મોડમાં આવી છે. પોલીસ શહેરમાં ચાલતા પીજીમાં સિક્યોિરટી ગાર્ડ અને સીસીટીવી કેમેરા સહિત અન્ય નીતિ-નિયમો ફરિજયાત કરે તેવી શક્યતા છે.
નવરંગપુરાના કમલનયન એપાર્ટમેન્ટમાં ચાલતા પીજીમાં કેરટેકર મહિલાની સાથે ૧૪ જૂનની મોડી રાતે થયેલી ઘટનામાં પોલીસે ઉબેર ઇટ્સમાં ડિલિવરી બોય તરીકે નોકરી કરતા ભાવિન શાહ નામના યુવકની ગણતરીના કલાકોમાં ધરપકડ કરી લીધી છે. ભાવિન શાહે અગાઉ કોઇ મહિલા કે યુવતી સાથે છેડછાડ કરી છે કે કેમ તેની તપાસ કરશે.
આ સિવાય તેણે સોશિયલ મિડીયામાં કેટલી યુવતી સાથે વાતચીત કરીને તેમના મોબાઇલ નંબર મેળવ્યા બાદ હેરાન-પરેશાન કરી છે તેની પણ પોલીસે તપાસ ચાલુ છે. આજે પોલીસ ભાવિન શાહના પાંચ દિવસના રિમાન્ડની માગણી કરે તેવી શક્યતા છે. ભાવિન શાહનાે આક્ષેપ છે કે પીજીમાં રહેતી એક યુવતીએ તેને ફોન કરીને બોલાવ્યો હતો, જેથી તેના ફોન કોલ્સનો ડેટા મંગાવવામાં આવશે.
પીજી હોસ્ટેલમાં છેડતીનો બનાવ તો પહેલી વખત સામે આવ્યો છે, પરંતુ ચોરી, મારામારી થવાના પણ અનેક બનાવ શહેરનાં વિવિધ પોલીસ સ્ટેશનમાં નોંધાયા છે. આ સિવાય પીજીમાં રહેતાં યુવક અને યુવતીઓના કારણે સ્થાનિકો પણ કંટાળી ગયા હોવાની અનેક ફરિયાદો પોલીસ સ્ટેશન સુધી પહોંચી છે.
શહેરમાં અંદાિજત પ૦૦ જેટલાં પીજી હોસ્ટેલ ચાલી રહ્યાં છે, જેમાં અભ્યાસ કરતાં અથવા નોકરી કરતાં હજારો યુવક અને યુવતીઓ રહે છે, પરંતુ આશ્ચર્યની વાત તો એ છે કે આ પ્રકારનાં પીજી હાઉસ માટે કોઈ રિજસ્ટ્રેશન, નિયમો કે ગાઈડલાઈન નથી. વસ્ત્રાપુર, સોલા, સેટેલાઇટ, શ્યામલ, આનંદનગર, બોપલ, ઘુમા, નવરંગપુરા, ચાંદખેડા, મિણનગર, બાપુનગર, નરોડા સહિતના વિસ્તારમાં પીજી ચાલે છે.
આજે ઇન્ચાર્જ પોલીસ કિમશનર મોહન ઝા સહિતના ઉચ્ચ પોલીસ અધિકારીઓ કમિશનર ઓફિસમાં મિટિંગનું આયોજન કરવામાં આવ્યું છે, જેમાં પીજી હોસ્ટેલના નીતિ-નિયમો પર કેટલાક મહત્ત્વના નિર્ણય લેવામાં આવશે. કોઇ પણ ધારાધોરણ વગર પીજી હોસ્ટેલ અથવા પીજી રૂમ ચાલે છે, જેમાં આવી ઘટનાઓને રોકવા માટે એક્શન પ્લાન તૈયાર કરી રહી છે, જેમાં પીજી હોસ્ટેલમાં સીસીટીવી ફરિજયાત લગાવવા તેમજ સિક્યોરિટી ગાર્ડ ફરિજયાત કરવા.
પીજીમાં ગર્લ્સ રહેતી હોય તો ત્યાં મહિલા સિક્યોરિટી ગાર્ડ્સ રાખવા તેમજ જે પીજી તરીકે રહેતા હોય તેમની તમામ વિગતો પોલીસ સ્ટેશનમાં જમા કરાવવી. ૩૦ દિવસનું સીસીટીવી ફૂટેજનું બેકઅપ રાખવું. કોઇ પણ ડિલિવરી બોય કે અજાણી વ્યકિત પીજી હોસ્ટેલમાં આવે તો તેની ફરિજયાત નોંધ કરવી જેવા નિયમો બને તેવી શક્યતા છે.
નવરંગપુરા પોલીસ સ્ટેશનના પોલીસ ઇન્સ્પેક્ટર પી.બી. દેસાઇએ જણાવ્યું છે કે નવરંગપુરા, સીજીરોડ પર ચાલતા ર૦ કરતાં વધુ પીજી હોસ્ટેલનું ચેકિંગ કરવામાં આવશે અને તેમના સંચાલકોને સીસીટીવી કેમેરા તેમજ સિક્યોરિટી ગાર્ડ્સ રાખવા માટે તાકીદ કરવામાં આવશે. જો તેઓ પોલીસના આદેશનું પાલન નહીં કરે તો પહેલાં નોિટસ આપવામાં આવશે અને ત્યારબાદ જાહેરનામા ભંગની ફરિયાદ કરવામાં આવશે.
સેક્ટર-રના જોઇન્ટ કમિશનર ઓફ પોલીસ એમ.એસ.ભરાડાએ જણાવ્યું છે કે પૂર્વ વિસ્તારમાં આવેલા પીજીનું ચેકિંગ કરવામાં આવશે અને સીસીટીવી તેમજ િસક્યોિરટી ગાર્ડ્સ રાખવા માટેની તાકીદ કરવામાં આવશે.
શહેરના ઇન્ચાર્જ પોલીસ કમિશનર મોહન ઝાએ જણાવ્યું છેકે પીજી હોસ્ટેલના કેટલાક નિયમો બને તે માટે આજે કમિશનર ઓફિસ ખાતે ઉચ્ચ અધિકારીઓની બેઠક થશે અને ત્યારબાદ નિર્ણય લેવામાં આવશે.