પોલેન્ડની એક મહિલા ખેલાડીએ મેડલ જીત્યા બાદ એલાન કર્યું કે તે લેસ્બિયન છે
ઓલિમ્પિક ખેલાડીએ જીત બાદ કર્યો ખુલાસો
સિલ્વર મેડલ જીતી કર્યો ખુલાસો
પોતે લેસ્બિયન હોવાનો કર્યો ખુલાસો
ટોક્યો ઓલિમ્પિક 2020માં જ્યાં દરરોજે ઘણા પ્રકારના ઉતાર ચઢાવ જોવા મળી રહ્યા છે ત્યાં જ ખેલાડીઓની પર્સનલ લાઈફ સાથે જોડાયેલા અમુક રાઝ પણ સામે આવી રહ્યા છે. એવું જ તાજેતરમાં ફરી એક વખત જોવા મળ્યું જ્યારે પોલેન્ડની એક મહિલા ખેલાડીએ મેડલ જીત્યા બાદ એલાન કર્યું કે તે લેસ્બિયન છે.
જીત બાદ કર્યો ખુલાસો
પોલેન્ડની ખેલાડી Katarzyna Zillmann ઓલિમ્પિક રોવર છે. તેણે પોતાના ટીમની સાથે મળીને સિલ્વર મેડલ જીતવામાં સફળતા હાસલ કરી હતી અને પછી મીડિયા સાથે વાતચીતમાં પોતાની ગર્લફ્રેન્ડના સપોર્ટ બદલ આભાર વ્યક્ત કરતા જણાવ્યું કે તે લેસ્બિયન છે.
જિલમેને એવું પણ કહ્યું કે પહેલા પણ તે પોતાના સેક્શુઅલ ઓરિએન્ટેશન વિશે અમુક ઈન્ટરવ્યૂમાં જણાવી ચુકી છે પરંતુ પબ્લિકમાં તેમની ચર્ચા ખૂબ ઓછી જોવા મળી હતી. જોકે ઓલિમ્પિક ગેમ્સ જેવા પ્લેટફોર્મ પર વાત કર્યા બાદ જિલમેન ખૂબ ચર્ચામાં આવી ગઈ છે. જિલમેને જણાવ્યું કે તે એલજીબીટીક્યુ સમુદાયના લોકોને સપોર્ટ કરે છે.
ટી-શર્ટ દ્વારા સંદેશ
જિલમૈને આ ઈન્ટરવ્યૂમાં કહ્યું કે મને લાગે છે કે હું આનાથી ઘણા લોકોને મદદ કરી શકીશ. મેં 'સ્પોર્ટ્સ અગેન્સ્ટ હોમોફોબિયા' ટી-શર્ટની સાથે એક તસ્વીર પોસ્ટ કરી હતી અને પબ્લિક ફિગર હોવાના કારણે ફક્ત તે ટી-શર્ટ દ્વારા મે પોતાનો સંદેશ હજારો લાખો લોકોને આપવામાં સફળ રહી હતી.
તેણે આગળ જણાવ્યું કે મને ઘણી યંગ યુવતીઓના મેસેજ આવ્યા છે. એક યુવતી જે રોવિંગ સ્પોર્ટ્સને જ પોતાના કરિયર બનાવવા માંગે છે તેમણે મને પોતાની ઘરની ખરાબ પરિસ્થિતિને લઈને વાત કરી હતી અને તેમને એમ પણ કહ્યું હતું કે મારા એટીટ્યુડના કારણે તેમને ઘણી પ્રેરણા મળે છે. ફક્ત આવો એક મેસેજ હજારો ટ્રોલ્સ અને હેટ કમેન્ટ્સને ઈગ્નોર કરવા માટે કાફી છે.
મહત્વનું છે કે જિલમૈન પોલેન્ડની છે. આ દેશમાં પાછલા અમુક સમયથી એલજીબીટીક્યુ સમુદાય પર ખૂબ એટેક જોવા મળી રહ્યા છે અને તેમાંથી ઘણા હુમલાઓને સરકારનું સમસ્થન પણ પ્રાપ્ત છે. એવામાં જિલમૈન માટે પોતાના સેક્શુઅલ ઓરિએન્ટશન વિશે વાત કરવી અને વધુ પડકાર ભર્યું હતું.