અનમેરિડ કપલ છો? તો હોટલમાં રૂમ બુક કરાવતી વખતે ધ્યાન રાખો આ બાબતો

તમે ઘણી વખત સમાચારોમાં સાંભળ્યુ હશે કે અનમેરિડ કપલને હોટલમાં રૂમમાં એક સાથે રહેતા હોવાથી પોલીસે તેમની અટકાયત કરી કે અનમેરિડ કપલને હોટલમાં રૂપ આપવાની ના પાડી. પરંતુ આપણા દેશમાં એવો કોઇ કાયદો નથી કે એડલ્ટ એટલે કે વયસ્ક યુવક-યુવતીને કોઇ હોલમાં રૂમમાં રહેવાથી રોકી શકે. જો તમારું પાર્ટનર તમારી સાથે એકાંત સમય પસાર કરવા માંગે છે અને તમે કોઇ પાર્કને બદલે હોટલમાં રૂમ બુક કરાવવા માંગો છો તો આ બાબતોનું ખાસ ધ્યાન રાખો..

આપણા દેશમાં 18 વર્ષના વ્યકિતને એડલ્ટ માનવામાં આવે છે જ્યારે લગ્ન માટેની ઉંમર છોકરી માટે 18 અને છોકરા માટે 21 વર્ષ છે એવામાં કોઇ પણ વયસ્ક વ્યકિત પોતાની મરજીથી પાર્ટનરની પંસદગી કરી શકે છે. જો તમે પણ વયસ્ક છો અને પાર્ટનરની સાથે ક્વૉલિટી ટાઇમ પસાર કરવા માંગો છો તો તમને હોટલનો રૂમ બુક કરાવવામાં મુશ્કેલી નહીં આવે જેના માટે તમારી પાસે આઇડી પ્રૂફ હોવું જરૂરી છે.

દેશભરના અનેક હોટલ્સ અને ઓનલાઇન પોર્ટલ્સ છે જે અપરણિત કપલને રૂમ બુક કરવાની સુવિધા આપે છે. સૌથી સરળ અને સુરક્ષિત રસ્તો આ પણ છે કે હોટલ પહોંચવાને બદલે તમે રૂમનું ઓનલાઇન બુકિંગ કરો. ઘણી બધી યૂઝર ફ્રેન્ડલી હોટલ્સ અને વેસબાઇટ્સ છે જેઓ અલગ-અલગ પ્રશ્નો પૂછ્યા વગર જ રૂમ બુક કરાવવાની સુવિધા આપે છે. 

સૌથી પહેલા હોટલની પૉલિસીને ધ્યાનથી વાંચો. દેશભરમાં આજે પણ અનેક હોટલ્સ છે જે કોઇ કારણોને લઇને અપરણિત લોકોને હોટલમાં રૂમ આપતા નથી. એવામાં જ્યારે પણ હોટલ રૂમ બુક કરો ત્યારે તેની પોલિસી અંગે જાણી લેવું જેના કારણે પાછળથી મુશ્કેલી ના આવે.

એડલ્ટ યુવક-યુવતી કોઇ પણ હોટલમાં રૂમ બુક કરાવી શકે છે. તેમણે પોતાનું આઇડી પ્રૂફ જમા કરાવવું પડશે. આઈડી પ્રુફ આપ્યા બાદ કોઈ હોટલ સંચાલક રૂમ બુક કરવાથી ના પાડી શકતો નથી. હોટલ બુક કરતી વખતે તમારે કોન્ફિડન્ટ રહેવું જરૂરી છે કે જેનાથી તમને કોઇ ડરાવી કે ધમકાવી ન શકે .