એક તરફ મોંઘવારીમાં વધારો થઈ રહ્યો છે તેવામાં પેટ્રોલ ડીઝલના ભાવોએ સામાન્ય નાગરિકની ચિંતામાં વધારી છે, આજે વડોદરામાં CNG ગેસ બાદ PNGના ભાવમાં પણ વધારો કરવામાં આવ્યો છે
અમદાવાદમાં ઈંધણના ભાવમાં આજે પણ વધારો
પેટ્રોલ 29 પૈસા અને ડીઝલ 38 પૈસા મોંઘુ થયુ
વડોદરામાં PNG ભાવમાં 2.11 રૂપિયાનો વધારો
એક તરફ મોંઘવારીમાં વધારો થઈ રહ્યો છે ત્યારે શહેર અને રાજ્યમાં વધતા પેટ્રોલ ડીઝલના ભાવોએ સામાન્ય નાગરિકની ચિંતામાં વધારો કર્યો છે, છેલ્લા 6 દિવસથી ઈંધણના ભાવમાં સતત વધારો થઈ રહ્યો છે ત્યારે મંદીના માહોલમાં સામાન્ય માનવીના ખિસ્સા ખાલી થતા આર્થિક મુશ્કેલીનો સામનો કરવાનો વારો આવ્યો છે.
અમદાવાદમાં ઈંધણના ભાવમાં આજે પણ વધારો
અમદાવાદમાં આજે ફરી ઈંધણના ભાવમાં વધારો ઝીંકાયો છે, ઈંધણના ભાવમાં સતત વધારો થતા પેટ્રોલ બાદ હવે ડીઝલ પણ 100 રૂપિયા પતિ લિટર મોંઘુ થઈ ગયું છે ત્યારે આજે શહેરમાં પેટ્રોલના ભાવમાં 29 પૈસા અને ડીઝલ 38 પૈસાનો વધારો કરવામાં આવતા આજે પેટ્રોલ 101 અને ડીઝલ 100.13 રૂપિયા પ્રતિ લિટર મોંઘુ થયું છે. ઈંધણની કિંમતોમાં થતા ધરખમ વધારાને કારણે પ્રજા હેરાન પરેશાન થઈ ગઈ છે, સામાન્યા માનવીને રોવાનો વારો આવ્યો છે રોડ પર વાહન ચવાવવું મોંઘુ પડતા શહેરીજનોની મુશ્કેલીમાં વધારો થયો છે.
પેટ્રોલ 29 પૈસા અને ડીઝલ 38 પૈસા મોંઘુ થયુ
જો વાત કરવામાં આવે તો અમદાવાદ બાદ અન્ય શહેરમાં પણ પેટ્રોલ અને ડીઝલના ભાવ 100 રૂપિયાને પાર પહોંચ્યા ગયા છે, વડોદરા, રાજકોટ, સુરત, ભાવનગર જેવા મહાનગરોમાં પણ ઈંધનના ભાવમાં સતત વધારો થઈ રહ્યો છે, તો હવે બનાસકાંઠામાં પણ પેટ્રોલના ભાવ 101.11 રૂપિયા પ્રતિ લિટર સુધી પહોંચ્યી ગયો છે જ્યારે ડીઝલ 100.25 રૂપિયા પ્રતિ લિટર મોંઘુ બન્યું છે.
વડોદરામાં PNG ભાવમાં 2.11 રૂપિયાનો વધારો
આ તરફ વડોદરામાં CNG ગેસ બાદ PNGના ભાવમાં પણ વધારો જોવા મળી રહ્યો છે. ગેસ કંપનીઓ દ્વારા પ્રતિ યુનિટે 2.11 રૂપિયાનો વધારો કરવામાં આવ્યો છે જે બાદ હવે નાગરિકોને PNG ગેસ માટે પ્રતિ યુનિટ 27.50ના બદલે હવે 29.61 રૂપિયા ચુકવવા પડશે, આ ભાવ વધારાને કારણે શહેરીજનોને દુવિધામાં મુકાયા છે, ગેસ લિમિટેડે કંપનીએ PNG ગેસમાં ભાવ વધારો કરતા વડોદરા શહેરમાં 1.86 લાખ ગ્રાહકોને જેની સીધી અસર થશે અને ગૃહિણીઓનું બજેટ પણ ખોરવાશે.
પેટ્રોલ ડીઝલના ભાવમાં સતત વધારો
મહત્વનું છે કે છેલ્લા 6 દિવસથી ઈંધણના ભાવમાં વધારો થઈ રહ્યો છે, સરકારી ઓઈલ કંપનીઓના ભાવ વધારાને કારણે શહેરીજનોમાં રોષ જોવા મળી રહ્યો છે. આંતરરાષ્ટ્રીય ક્રૂડ ઓઇલના ભાવ સતત વધી રહ્યા છે. તેની અસર ભારતીય બજારો પર પડી છે. એક અહેવાલ મુજબ હાલ ઈંધણમાં ભાવ ઘટાડાની કોઈ શક્યાતાઓ જોવા મળી રહી નથી, ત્યારે આ ભાવ વધારો ક્યાં જઈને અટકશે તે પણ એક સવાલ નાગરિકોને સતાવી રહ્યો છે.
આ રીતે જાણી શકાશે પેટ્રોલ ડીઝલના ભાવ
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.