કરો બચત / રસોઈ બનાવવાનું હવે થઈ શકે છે સસ્તું, ગેસ સિલિન્ડરનો ઉપયોગ બંધ કરી અપનાવો આ સરળ આઇડિયા

• સામાન્ય માણસનો રસોઈનો ખર્ચ દિવસે-દિવસે વધી રહ્યો છે
• PNG એટલેકે પાઈપ્ડ નેચરલ ગેસ દ્વારા ગેસના ખર્ચની બચત કરી શકશો
• જાણો, PNG LPGથી કેટલું સસ્તુ પડે છે

LPG અને PNGના ભાવમાં અંતર

દેશની રાજધાની દિલ્હીમાં અત્યારે સબસિડી વગરના 14.2 કિલોગ્રામ ઘરેલુ એલપીજી સિલિન્ડરનો ભાવ 899.50 રૂપિયા છે. આ રીતે એક કિલોગ્રામ ગેસની કિંમત 63.35 રૂપિયા પડે છે. તો ઈન્દ્રપ્રસ્થ ગેસ લિમિટેડે પીએનજીના મામૂલી ભાવ વધાર્યા બાદ પણ 35.61 રૂપિયા સ્ટાન્ડર્ડ ક્યુબિક મીટર છે. 

PNGથી થશે આટલી બચત

હવે એક કિલોગ્રામ એલપીજી 1.16 સ્ટાન્ડર્ડ ક્યુબિક મીટરની બરાબર થાય છે. આ રીતે 1 કિલોગ્રામ એલપીજી ગેસ બરાબર પીએનજીની કિંમત 41.30 રૂપિયા થશે. આ રીતે 1 સિલિન્ડર માટે અત્યારે તમે 899.50 રૂપિયાની ચૂકવણી કરે છે. એ જ રીતે PNG માટે 586.46 રૂપિયા આપવા પડશે. જો તમે દર મહિને એક સિલિન્ડરનો ઉપયોગ કરો છો તમારે 313.04 રૂપિયાની બચત થશે. 

ઉપયોગના હિસાબ મુજબ ચૂકવણી

PNG માટે તમારે બિલની ચૂકવણી ઉપયોગ મુજબ કરવાની હોય છે. જો તમારે ઉપયોગ ઓછો છે તો તમારું બિલ ઓછુ આવશે. એટલું જ નહીં, શિયાળાની સિઝનમાં એલપીજી સિલિન્ડરમાં ગેસ નીચે બેસી જાય છે. પરંતુ PNGમાં આવી મુશ્કેલી ઉભી થતી નથી. બીજી તરફ આ ગેસ સિલિન્ડરની જેમ તમારા રસોડામાં જગ્યા પણ રોકતો નથી.