ડોમેસ્ટિક ગેસની કિમતો વધવાની અસર 24 કલાકની અંદર જ સામાન્ય લોકોના ખિસ્સા પર પડવા લાગી છે.
મોંઘવારીનો એક પછી એક માર
CNG બાદ PNGના ભાવમાં પણ વધારો
5 રૂપિયાથી વધુનો કર્યો વધારો
ડોમેસ્ટિક ગેસની કિમતો વધવાની અસર 24 કલાકની અંદર જ સામાન્ય લોકોના ખિસ્સા પર પડવા લાગી છે. શુક્રવારે દેશની રાજધાની દિલ્હીમાં સીએનજીના ભાવ વધ્યા બાદ પીએનજીના ભાવમાં પણ વધારો ઝીકવામાં આવ્યો છે. આ નિર્ણયની સીધી અસર લોકોના ખિસ્સા પર પડવાની છે અને તેનાથી રસોઈનું બજેટ પણ પ્રભાવિત થશે.
હવે આટલા થયાં પીએનજીના ભાવ
ઈંડ્રપ્રસ્થ ગેસ લિમિટેડે જણાવ્યું છે કે, પાઈપથી રસોઈ સુધી પહોંચતો PNGના ભાવ 5.85 રૂપિયા પ્રતિ એસસીએમ વધી ગયા છે. આ વધેલા ભાવ આજે એટલે કે, 01 એપ્રિલ 2022થી લાગૂ થશે. આ ઉછાળા બાદ હવે ગૌતમબુદ્ધ નગરમાં પીએનજીના ભાવ આજથી 41.71/SCM થઈ ગયા છે.
CNG ભાવમાં આટલા વધ્યા
આ અગાઉ ઈંદ્રપ્રસ્થ ગેસ લિમિટેડે સીએનજીના ભાવ વધારાની જાણકારી આપી હતી. દિલ્હીમાં સીએનજીના ભાવ 80 પૈસા પ્રતિ કિલો વધી ગયા છે. ઈંદ્રપ્રસ્થ ગેસ લિમિટેડની વેબસાઈટ પર આપવામાં આવેલી જાણકારી અનુસાર તાજેતરના વધારા બાદ દિલ્હીમાં સીએનજીના ભાવ 60.81 રૂપિયા પ્રતિ કિલોગ્રામ થઈ ગઈ છે. જે અત્યાર સુધી 60.01 રૂપિયા પ્રતિ કિલોગ્રામ હતા, વાહનોમાં ઈંધણ તરીકે ઉપયોગમાં લેવાતા સીએનજીની વાત કરીએ તો, છેલ્લા 6 મહિના દરમિયાન દેશના અમુક શહેરોમાં તેની કિંમતો 37 ટકાનો વધારો થઈ ચુક્યો છે.
કમર્શિયલ સિલેન્ડર થયો 250 રૂપિયા મોંઘો
19 કિલોવાળા કમર્શિયલ સિલેન્ડરના ભાવ શુક્રવારે સવારે 250 રૂપિયા વધી ગયા છે. ત્યાર બાદ દિલ્હીમાં તેની કિંમત 2253 રૂપિયા પર પહોંચી ગઈ છે. ગત વર્ષે 3 નવેમ્બરને એક્સાઈઝમાં કમી આવવાના કારણે ડીઝલ અને પેટ્રોલના ભાવ સ્થિર રહ્યા હતા. ગત મહિને 22 માર્ચે ફરીથી રોજના ભાવ વધવાના શરૂ થયા છે. આ દરમિયાન બે દિવસ એવા રહ્યા હતા, જ્યારે ભાવ વધ્યાન નહોતા.