ગ્રાહકોના ખિસ્સા થશે ખાલી, એપ્રિલથી વધી શકે છે PNG-CNGની કિંમત

તમારા ઘરના બજેટમાં વધારો થશે તેની તૈયારી કરી લો. એપ્રિલથી પ્રાકૃતિક ગેસની કિંમતો 18% સુધી વધી શકે તેવુ અનુમાન લગાવવામાં આવી રહ્યુ છે, જેનાથી દેશમાં પાઇપથી આવતા રસોઈ (PNG) અને CNGની કિંમતોમાં વધારો થઇ શકે છે. એક રિપોર્ટમાં આ વધારોનું અનુમાન કરવામાં આવ્યુ છે. એટલુ જ નહી, આ વધારાથી મેન્યુફેક્ચરિંગ, ટ્રાવેલ, એનર્જી સેક્ટર પર અસર પડી શકે છે અને મોંઘવારી વધી શકે છે.

સરકારની વર્ષ 2014ની ઘરેલૂ ગેસ નીતિમાં કહ્યુ કહતુ કે, પ્રાકૃતિક ગેસની કિંમતોની દર 6 મહિમામાં સમીક્ષા કરવામાં આવશે આ યોજના હેઠળ સરકાર 1  એપ્રિલ 2019થી ઘરેલૂ ગેસની કિંમતોની સમીક્ષા કરશે. આ રિપોર્ટમાં કહેવામાં આવ્યુ છે કે, એપ્રિલ 2019થી સપ્ટેમ્બર 2019 સુધી ઘરેલૂ ગેસની કિમતો $3.36/mmBtu થી વધીને $3.97/mmBtu સુધી થઇ જશે, એટલે કે લગભગ 18% નો વધારો થશે. 

કંપનીઓને ફાયદો ગ્રાહકોને નુકસાન:

ભાવમાં વધારો ગેસ ઉત્પાદકો માટે સારા સમચાર હોઇ શકે છે. આ માટે ONGC,  ઓઇલ ઇન્ડિયા, વેદાંતા, રિલાયન્સ જેવી અપસ્ટ્રીમ ગેસ એક્સપ્લોરેશન કરતી કંપનીઓની કમાણી વધી શકે છે. પરંતુ ગ્રાહકો માટે આ ખરાબ સમાચાર છે કેમકે વાહનોમાં ઉપયોગમાં આવતા CNG અને PNG મોંઘા થઇ જશે.

જેનાથી વિજળી ઉત્પાદન, પેટ્રોલિયમ ઉત્પાદનની કિંમતો વધી જશે. ગેસની કિંમત વધવાથી WPI મોંઘાવારી પણ વધી જશે. ઉલ્લેખનીય છે કે, ઘરેલૂ ગેસની કિંમત અમેરિકા, બ્રિટન, કેનેડા અને રશિયામા પ્રાકૃતિક ગેસની કિંમતોના આધાર પર નક્કી કરવામાં આવે છે. 

આતંરરાષ્ટ્રીય બજારમાં ગેસની કિંમતમાં વધારાથી ઘરેલૂ બજારમાં લગબગ 3 મહિના પછી 1 માર્ચથી રસોઇ ગેસ (LPG)ની કિંમતમાં વૃદ્ઘિ થઇ છે.  સબ્સિડી વગરના રસોઇ ગેસ સિલેન્ડર દિલ્હીમાં 42.50 રૂપિયા અને સબ્સિડીવાળા 2.08 રૂપિયા મોંઘુ થઇ ગયો છે. LPGની કિંમત નક્કી કરવાની અલગ વ્યવસ્થા છે. એવરેજ આંતરરાષ્ટ્રીય બેંચમાર્ક દર અને વિદેશી મુદ્રાના વિનિમય દરના અનુરૂપ LPG સિલેન્ડરની કિંમત નક્કી કરવામાં આવે છે, જેના આધાર પર સબ્સિડીની રાશિ દર મહિના બદલાવ થાય છે. બીજી તરફ ભારતમાં લગભગ 80% તેલની આયાત કરવામાં આવે છે. આંતરરાષ્ટ્રીય સ્તર પર ક્રૂડ ઓઇલ પ્રતિ બેરલના હિસાબથી ખરીદવા અને વેચવામાં આવે છે. એક બેરલમાં લગભગ 162 લિટર  ક્રૂડ ઓઇલ હોય છે.