મોંઘવારીના મારથી જનતા પરેશાન થઈ ગઈ છે, ત્યારે એક પછી એક વસ્તુઓના ભાવો આસમાને પહોંચી રહ્યા છે.
મોંઘવારીના મારથી જનતા પરેશાન
સીએનજીના ભાવમાં આજથી મુંબઈમાં ચાર રૂપિયાનો વધારો
મુંબઈમાં PNGના ભાવમાં પણ 3 રૂપિયાનો વધારો ઝીકાયો
આજથી સીએનજીની કિંમતમાં ચાર રૂપિયા પ્રતિ કિલોગ્રામના વધારાથી મુંબઈના રસ્તા પર ચાલવું મોંઘું થઈ જશે, તો વળી મોંઘવારીની આંચ રસોડા સુધી પણ પહોંચી ગઈ છે. પાઈપ લાઈનથી આવતા પીએનજીના ભાવમાં 3 રૂપિયાનો વધારો આવ્યો છે. જ્યારે દેશભરમાં આજથી ઘરેલૂ એલપીજી અને કોમર્શિયલ એલપીજી સિલેન્ડરના રેટમાં કોઈ ફેરફાર નથી થયા.
મહાનગર ગેસ લિમિટેડે મુંબઈમાં ફરી એક વાર સીએનજીના ભાવમાં વધારાની જાહેરાત કરી છે. ગેસ વિતરક કંપનીએ કહ્યું છે કે, આ કિંમતોમાં સતત વધારાનું કારણ કિંમતોમાં તેજી અને રૂપિયામાં ધબડકો હોવાનું કહેવાય છે.
કંપની હકીકતમાં ઘરેલૂ ગેસના ફાળવણીમાં કમીને પુરી કરવા માેટ વિદેશી બજારમાં ગેસ ખરીદી રહી છે. આ વધારાની સાથે મુબઈ અને તેની આસપાસના વિસ્તારોમાં સીએનજીની કિંમતમાં ચાર રૂપિયા વધારીને 80 રૂપિયા પ્રતિ કિલો અને પીએનજીના ભાવમાં 3 રૂપિયાનો વધારો કરીને 48.50 રૂપિયા થઈ ગયા છે.