કૌભાંડ કેસ / 3 દિવસની તપાસ બાદ ભાગેડુ મેહુલ ચોક્સીને ડોમિનિકા પોલીસે આ જગ્યા પરથી ઝડપી પાડ્યો

• ડોમિનિકાની CIDએ મેહુલ ચોક્સીને ઝડપી લીધો 
• 3 દિવસની તપાસ મેહુલ ચોક્સીને ઝડપી લીધો 
• ભાગેડુ મેહુલ ચોક્સી ઝડપાયો

PNB નેશનલ બેંક કૌભાંડમાં આરોપી અને ભાગેડું હીરા વેપારી મેહુલ ચોક્સીની ધરપકડ કરવામાં આવી છે. મેહલુ ચોક્સીને ડોમિનિકામાં ટ્રેસ કરવામાં આવ્યો હતો. સ્થાનિક પોલીસે તેની ધરપકડ કરી લીધી છે. છેલ્લા કેટલાક દિવસથી ચોક્સી એન્ટીંગુઆમાંથી ગાયબ થઈ ગયો હતો. અને વારંવાર છૂપવા માટે પોતાના ઠેકાણા બદલી રહ્યો હતો. પરંતુ હવે ડોમિનિકા પોલીસે તેને ઝડપી પાડ્યો છે. સાથે તેને ફરી એન્ટીંગુઆ પોલીસને સોંપી દેવાશે. 

મહત્વનું છે કે, 23 મેના દિવસથી એન્ટિગુઆથી મેહુલ ચોક્સીને ફરાર ગણાવ્યો હતો. છેલ્લે તેને પોતાના ઘર પાસે કારમાંથી નીકળતા જોવા મળ્યો હતો. અને પછી તે નજર ન આવતા મેહુલ ચોક્સી ક્યુબા જતો રહ્યો હોવાનો તર્ક લગાવવામાં આવ્યો હતો. કારણ કે, ક્યુબામાં પણ તેનો એક મોટો બંગલો છે. પરંતુ જ્યારે ડોમિનિકામાં હોવાની વાતને સ્થાનિક પોલીસને મળી તો, તુરંત તેની શોધખોળ બાદ ધરપકડ કરાઈ હતી. 

મેહુલે પોતાનું ઠેકાણુ જરૂર બદલ્યું છે. પરંતુ તે ફરીથી પોલીસની નજરમાં છે. અને હવે તે ડોમિનિકા પોલીસની પકડમાં છે. પરંતુ થોડા સમયમાં તેને એન્ટિગુઆ પોલીસના હવાલે કરી દેવાશે. આ વાત ભારત માટે રાહતના સમાચાર જેવા છે. કારણ કે, અગાઉ એન્ટિગુઆ પોલીસે કહ્યું હતું કે, જો મેહુલ ચોક્સી ભાગવામાં સફળ રહ્યો અને તેને શોધી શકાય નહીં. તો પ્રત્યાર્પણ કેસ પર આ ઘટનાની અસર પડશે. અને મેહુલ ચોક્સીને ભારતના હસ્તે સોંપવાની પ્રક્રિયા વચ્ચે અટકી પડશે. પરંતુ હવે પોલીસે તેને શોધી કાઢ્યો છે. આ વચ્ચે મેહુલ ચોક્સીને ભારત લાવવાની કોશિશ ચાલુ છે. 

મહત્વનું છે કે, મેહુલ ચોક્સી અને નીરવ મોદી સરકારી પંજાબ નેશનલ બેંક સાથે કથિત રીતે 13,500 કરોડ રૂપિયાના સાર્વજનિક હેરાફેરી મામલામાં આરોપી છે.