પંજાબ નેશનલ બેંકના ગ્રાહકો માટે સૌથી મોટા સમાચાર સામે આવ્યા છે. સાર્વજનિક ક્ષેત્રની પંજાબ નેશનલ બેંક (Punjab National Bank) માં ચેક પેમેન્ટનો નિયમ બદલાવા જઇ રહ્યો છે. 4 એપ્રિલ 2022થી બેંક ચેક પેમેન્ટ માટે 'પોઝિટિવ પે સિસ્ટમ' ના નિયમોમાં ફેરફાર કરવા જઇ રહી છે.
આ નવા નિયમ અંતર્ગત જો તમે ચેકના આધારે 10,00,000 રૂપિયા અથવા તો તેનાથી પણ વધારે ચૂકવણી કરવા માટે પોઝિટિવ પે સિસ્ટમનું વેરિફિકેશન ફરજિયાત રહેશે. તમારે તેનાથી સંબંધિત ચેક કપાયા બાદ બેંકને સંપૂર્ણ જાણકારી આપવાની રહેશે. તેનાથી ચેક રજૂ કરનારને પેમેન્ટના સમયે છેતરપિંડીથી બચવામાં મદદ મળશે. PNB એ આ અંગે ટ્વિટ કરીને મહત્વની જાણકારી આપી છે.
PNB એ ટ્વિટમાં જણાવ્યું કે, 'PPS તમને અલગ-અલગ પ્રકારની છેતરપિંડીથી બચાવે છે. ખાતાધારક ચેક વિવરણ બ્રાન્ચમાં અથવા તો ડિજિટલ ચેનલોના માધ્યમથી જમા કરી શકે છે.'
PPS Safeguards you against various kinds of cheque frauds. Account holders may submit the cheque details at branch or through digital channels i.e
- Internet Banking Service Retail & Corporate
- PNB One
- SMS Banking pic.twitter.com/t5Fp8CXYvP
ચેકના માધ્યમથી 10 લાખ રૂપિયા અથવા તો તેનાથી વધારે ચૂકવણી કરી રહ્યાં છો? તો ફરજિયાત પોઝિટિવ પે કન્ફર્મેશન સાથે સુરક્ષાને સુનિશ્ચિત કરી દો. જે 4 એપ્રિલ 2022થી શરૂ થઇ રહ્યું છે. PNB ગ્રાહક વધારે જાણકારી બેંકની ઓફિશિયલ વેબસાઇટ અથવા તો ટોલ ફ્રી નંબર 18001802222 અથવા 18001032222 પર કોલ કરીને મેળવી શકો છો.
દરરોજના સાંજે 6 વાગ્યે પહેલાના કન્ફર્મેશનને જ NPCL ને મોકલવામાં આવશે અને તે આગામી ક્લિયરિંગ સેશન માટે થશે. ત્યાર બાદ તમામ કન્ફર્મેશન આગામી ક્લિયરિંગ સેશનમાં નિપટાવી દેવાશે.
શું છે પોઝિટિવ પેમેન્ટ સિસ્ટમ?
તમને જણાવી દઇએ કે, પોઝિટિવ પેમેન્ટ સિસ્ટમને નેશનલ પેમેન્ટ્સ કોર્પોરેશન ઓફ ઇન્ડિયા (NPCI) એ તૈયાર કરેલ છે. આ સિસ્ટમ અંતર્ગત વધારે રકમમાં લેણદેણ કરનારા ગ્રાહકોને પોતાના ચેકના વિશે કેટલીક જરૂરી જાણકારી બેંકને આપવાની હોય છે. ત્યાર બાદ આ ચેકનું પેમેન્ટ ક્લિયર કરતી વેળાએ આ માહિતીની સરખામણી કરવામાં આવે છે. કોઇ પણ ગરબડ અથવા તો માહિતી મેળ ન ખાય તેવી સ્થિતિમાં પેમેન્ટ રોકી દેવામાં આવે છે.
પોઝિટિવ પે સિસ્ટમ અંતર્ગત ચેકનું કન્ફર્મેશન થવા પર રજિસ્ટર્ડ મોબાઇલ નંબર પર એક રેફરન્સ નંબર મોકલવામાં આવે છે. જો કોઇ ચેક 3 મહિનાથી વધારે પહેલાંનો છે તો તેને આ સિસ્ટમમાં નહીં લઇ શકાય. પોઝિટિવ પે સિસ્ટમનો ઉપયોગ કરવા માટે ગ્રાહક (Customer) ને મોબાઇલ બેંકિંગ અથવા તો નેટ બેંકિંગ દરમ્યાન એમપિન, પાસવર્ડ વગેરે નાખવાનો રહેશે.