એક દેશ એક ચૂંટણીના મુદ્દા પર હાલમાં કોઈ નિર્ણય લેવામાં આવ્યો નથી. પરંતુ સરકાર કોમન વોર્ટર લિસ્ટના ઉપયોગ પર વિચાર કરી રહી છે. હાલમાં લોકસભા, વિધાનસભા અને સ્થાનીય ચૂંટણીમાં એક જ વોટર લિસ્ટનો ઉપયોગ કરવાની ચર્ચા ચાલી રહી છે. આ મુદ્દા પર થોડાક દિવસ પહેલા પ્રધાનમંત્રી કાર્યાલયમાં બેઠક થઈ છે. હાલમાં કેટલાક રાજ્યોમાં ચૂંટણી આયોગ તરફથી તૈયાર કરવામાં આવેલા વોટર લિસ્ટનો ઉપયોગ પંચાયત અને નગરપાલિકાની ચૂંટણીમાં કરવામાં આવે છે.
વોટર લિસ્ટનો ઉપયોગ પંચાયત અને નગરપાલિકાની ચૂંટણીમાં કરવામાં આવે છે
આ મુદ્દા પર થોડાક દિવસ પહેલા પ્રધાનમંત્રી કાર્યાલયમાં બેઠક થઈ છે
અનુચ્છેદ 243K અને 243ZA માટે સંવૈધાનિક સંશોધન પર વિચાર કરવામાં આવ્યો
એક અખબારના જણાવ્યાનુંસાર પીએમ મોદીના પ્રધાન સચિવ પીકે મિશ્રાની અધ્યક્ષતામાં 13 ઓગસ્ટે આ મુદ્દાને લઈને બેઠક થઈ હતી. બેઠકમાં મુખ્ય 2 વિકલ્પો પર ચર્ચા થઈ હતી. પહેલી અનુચ્છેદ 243K અને 243ZA માટે સંવૈધાનિક સંશોધન પર વિચાર કરવામાં આવ્યો. આ સંશોધન બાદ ચૂંટણી માટે મતદાતાઓની એક જ યાદી તૈયાર કરવી જરુરી છે.
શું છે અનુચ્છેદ 324(1)
સંવિધાનનો અનુચ્છેદ 324(1) ચૂંટણી આયોગને સંસદ અને રાજ્ય વિધાનસભાઓની તમામ ચૂંટણી માટે વોટર લિસ્ટ તૈયાર કરવા અને તેને નિયંત્રણનો અધિકાર આપે છે. બીજા શબ્દોમાં કહીએ તો ચૂંટણી આયોગ સ્થાનીક નિકાય ચૂટણી માટે પોતાના વોટર લીસ્ટ તૈયાર કરવા માટે સ્વતંત્ર છે.
હાલમાં મોટા ભાગના રાજ્યોમાં નગરપાલિકાઓ અને પંચાયતોની ચૂંટણી કરાવવા માટે ચૂંટણી આયોગની મતદાતા યાદીનો ઉપયોગ કરે છે. જો કે ઉત્તર પ્રદેશ, ઉત્તરાખંડ, ઓડિશા, આસામ, મધ્ય પ્રદેશ, કેરળ, અરુણાચલ પ્રદેશ, નાગાલેન્ડ અને કેન્દ્ર શાસિત પ્રદેશ જમ્મુ અને કાશ્મીરમાં સ્થાનિક એસેમ્બલીની ચૂંટણી માટે પોતાના વોટર લિસ્ટ છે. ઉલ્લેખનીય છે કે કોમન વોટર લિસ્ટ લાવવું ગત વર્ષ ભાજપના ઢંઢેરા પત્રમાં હતુ. કહેવામાં આવે છે કે આના ઉપયોગથી સમય અને ખર્ચ બન્ને બચી જશે.