એન્ફોર્સમેન્ટ ડાયેરેક્ટોરેટ (ED)એ રૂ. ૪,૩૫૫ કરોડના પંજાબ એન્ડ મહારાષ્ટ્ર સહકારી (PMC) બેન્ક ફ્રોડ કેસમાં મની લોન્ડરિંગનો કેસ દાખલ કરીને HDILના માલિકની ૧૨ લક્ઝરી કાર જપ્ત કરી છે. તેમાં બે રોલ્સ રોયસ, બે રેન્જ રોવર અને એક બેન્ટલી કારનો સમાવેશ થાય છે.
મુંબઇના છ સ્થળ પર દરોડા પાડ્યા બાદ HDILના ચેરમેન રાકેશ વાધવાન અને તેમના પુત્ર સારંગ વાધવાનની આ કાર જપ્ત કરવામાં આવી છે. આ દરમિયાન પંજાબ એન્ડ મહારાષ્ટ્ર કો-ઓપરેટિવ બેન્કના લાપતા એમડી જોય થોમસની પણ ગઇ કાલે ધરપકડ કરવામાં આવી હતી.
EDએ હાઉસિંગ ડેવલપમેન્ટ એન્ડ ઇન્ફ્રાસ્ટ્રક્ચર લિ. (HDIL) અને તેના પ્રમોટર્સ વિરુદ્ધ મની લોન્ડરિંગ એક્ટની વિવિધ કલમો હેઠળ ECIR ફાઇલ કરીને આ કેસની તપાસ શરૂ કરી દીધી છે. આ અગાઉ રાકેશકુમાર વાધવાન અને સારંગ વાધવાનની પણ ધરપકડ કરવામાં આવી હતી.
જપ્ત થઇ આ ગાડીઓ
EDએ જે ગાડીઓ જપ્ત કરી છે તેમાં બે રોલ્સ રોયલ્સ, બે રેન્જ ઓવર અને એક બેંટલી સામેલ છે. મુંબઇમાં છ સ્થાનો પર દરોડા બાદ HDILના ચેરમેન રાકેશ વાધવાન અને તેમના દિકરા સારંગ વાધવાની આ કાર જપ્ત કરવામાં આવી છે.
પીએમ મોદીને મદદ માટે પત્ર લખ્યો
HDILના મુલુંદમાં બની રહેલા પ્રોજેક્ટમાં 450 ખરીદદારોએ પીએમ મોદીને પત્ર લખીને મદદ કરવા માગ કરી છે. આ ગ્રાહકોનું પ્રતિનિધિત્વ કરી રહેલા ધ વ્હિસપરિંગ ટાવર્ટ ફલેટ ઓનર્સ વેલફેર એસોસિયેશનને 1લી સપ્ટેમ્બરના રોજ પત્ર લખ્યો હતો. HDILએ 46 માળના ટાવરનો પ્રોજેક્ટ 2010માં લોન્ચ કર્યો હતો.
પૂર્વ MDની પણ ધરપકડ
પૂર્વ પ્રબંધ નિદેશક (MD) જોય થોમસને પણ મુંબઇ પોલીસે ધરપકડ કરી છે. આરબીઆઇ દ્વારા નિમૂણક કરાયેલ પ્રશાસકની ફરિયાદના આધારે મુંબઇ પોલીસે ગત અઠવાડીયામાં બેંક અધિકારીઓ વિરુધ્ધ છેતરપીંડી અને અપરાધિક ષડયંત્રનો મામલો દાખલ કર્યો હતો.