PMC બેંક કૌભાંડ / ખાતામાં હતા 90 લાખ, બૅન્કની હાલત એવી થઈ કે ખાતાધારકનું થયું હાર્ટઅટેકથી મોત

• PMC બેંકના ખાતાધારકનું મોત
• હાર્ટએટેકના કારણે થયું મોત
• ખાતામાં હતા 90 લાખ રૂપિયા
• રૂપિયા અટવાઈ જતા લાગ્યો આઘાત

#Mumbai: 51-year-old Sanjay Gulati, a Punjab and Maharashtra Co-operative (PMC) Bank depositor passed away yesterday after taking part in a protest rally by depositors. #PMCBank pic.twitter.com/p9Z3t5BlzW

— ANI (@ANI) October 15, 2019

રિઝર્વ બેંકે વધારી ઉપાડની મર્યાદા

બીજી તરફ, ભારતીય રિઝર્વ બેંકે છ મહિનામાં પંજાબ અને મહારાષ્ટ્ર સહકારી (પીએમસી) બેંકના બચત ખાતાધારકોની ઉપાડની મર્યાદા 25,000 રૂપિયાથી વધારીને રૂ. 40,000 કરી દીધી છે. આ ત્રીજી વખત છે જ્યારે રિઝર્વ બેંકે PMC ગ્રાહકો માટે ખાતા દીઠ ઉપાડની મર્યાદામાં વધારો કર્યો છે. કેન્દ્રીય બેંકે 23 સપ્ટેમ્બરના રોજ PMC બેંક પર અનેક નિયંત્રણો લાદ્યા હતા. તે જ સમયે, ગ્રાહક દીઠ માત્ર 1000 રૂપિયાની ઉપાડની મર્યાદા છ મહિનામાં નક્કી કરવામાં આવી હતી. કેન્દ્રીય બેંકના નિર્ણયની આકરી ટીકા થઈ હતી.

RBI enhances withdrawal limit for PMC Bank depositors to Rs 40,000

Read @ANI Story | https://t.co/kl33bm8w6l pic.twitter.com/RD8TOnRu38

— ANI Digital (@ani_digital) October 14, 2019

PMC બેંકના ખાતાધારકો રૂપિયા પાછા લઈ શકશે

કેન્દ્રીય બેંકે એક નિવેદનમાં જણાવ્યું છે કે બેંકની રોકડ સ્થિતિની સમીક્ષા કર્યા પછી આ મર્યાદા વધારીને 40,000 રૂપિયા કરવામાં આવી રહી છે. રિઝર્વ બેંકે કહ્યું કે આ પગલા પછી PMC બેંકના લગભગ 77 ટકા થાપણદારો તેમના ખાતામાંથી આખી જમા રકમ પાછા ખેંચી શકશે.

PMC કૌભાંડ કેસમાં સામેલ લોકોની વધી કસ્ટડીની મર્યાદા

મુંબઈની એક અદાલતે સોમવારે PMC બેંક કૌભાંડ કેસમાં હાઉસિંગ ડેવલપમેન્ટ ઈન્ફ્રાસ્ટ્રક્ચર લિમિટેડ (એચડીઆઈએલ)ના અધ્યક્ષ અને મેનેજિંગ ડિરેક્ટર રાકેશ વાધવન અને તેના પુત્ર સારંગ અને પૂર્વ બેંક અધ્યક્ષ વરયામ સિંહની પોલીસ કસ્ટડી 16 ઓક્ટોબર સુધી વધારી દીધી છે. સેંકડો થાપણદારો આ કેસને 'વ્હાઇટ-કોલર ગુનો' ગણાવીને કોર્ટની બહાર વિરોધ પ્રદર્શન કરી રહ્યા છે. તેઓ આરોપીઓ સામે કડક કાર્યવાહી કરે અને વહેલી તકે તેમના પૈસા પાછા મળે તેવી માંગ કરી રહ્યા છે. પંજાબ અને મહારાષ્ટ્ર સહકારી (પીએમસી) બેંક કેસમાં પોલીસે ત્રણેય આરોપીઓને સોમવારે મેટ્રોપોલિટન મેજિસ્ટ્રેટ સમક્ષ રજૂ કર્યા હતા.