IPLIN
 
  • Home
  • India
  • PMC bank customers get relief RBI raises withdrawal limit to rs. 10000

Good News / RBIની મોટી રાહત, PMC બેંકમાંથી હવે ગ્રાહકો ઉપાડી શકશે 10 હજાર રૂપિયા

Team VTV 05:15 PM, 26 Sep 19
Follow us
PMC bank customers get relief RBI raises withdrawal limit to rs. 10000

PMC બેંકનાં ગ્રાહકોને ભારતીય રિઝર્વ બેંક (RBI) દ્વારા મોટી રાહત આપવામાં આવી છે. હવે આ બેંકનાં ગ્રાહકોને 6 મહીનામાં 1 હજાર નહીં પરંતુ 10 રૂપિયા ઉપાડવાની લિમિટ વધારવામાં આવી છે. પહેલા આ રકમ 1 હજાર રૂપિયા હતી પરંતુ તેનાં વિરોધ પ્રદર્શન બાદ તેને વધારવામાં આવી.

  • PMC બેંકનાં ગ્રાહકોની રૂપિયા ઉપાડવાની મર્યાદામાં કરાયો વધારો
  • અગાઉ 1 હજાર રૂપિયા ઉપાડવાની જ મર્યાદા કરાઇ હતી
RBI
આરબીઆઇ

તમને જણાવી દઇએ કે મુંબઇમાં પંજાબ એન્ડ મહારાષ્ટ્ર કો-ઓપરેટિવ બેંક (Punjab & Maharashtra Co-operative Bank) (PMC Bank) માં નાણાંકીય ગરબડીઓને કારણ RBIએ ખાતાધારકોને હજાર રૂપિયાથી વધારે રૂપિયા ઉઠાવવા પર પ્રતિબંધ લગાવ્યો હતો, જે કારણોસર બેંકની તમામ બ્રાન્ચમાં ભીડ જમા થઇ ગઇ હતી અને આનો લોકોએ સખત વિરોધ કર્યો હતો. રૂપિયાનાં રોકાણ પર પ્રતિબંધથી નારાજ ખાતાધારકોને આજે જ બેંકથી લઇને પોલીસ સ્ટેશન સુધી રેલી નીકાળી હતી.

ઉલ્લેખનીય છે કે પંજાબ એન્ડ મહારાષ્ટ્ર કો-ઓપરેટિવ (PMC) બેંકનાં ગ્રાહકોને 24 તારીખનાં મંગળવારનાં રોજ આગામી 6 મહીના સુધી 1000થી વધારે રૂપિયા નીકાળવા પર પ્રતિબંધ લગાવ્યો હતો. જેને લીધે ખાતાધારકોની મુશ્કેલીમાં વધારો થયો હતો. મહત્વનું છે કે રિઝર્વ બેંક (RBI) એ પંજાબ એન્ડ મહારાષ્ટ્ર કો-ઑપરેટિવ (PMC) બેંક પર અનેક પ્રતિબંધો લગાવી દીધાં છે. પરંતુ RBIએ ગ્રાહકોને અંતે રાહત આપી છે અને 6 મહીનામાં 1 હજાર નહીં પરંતુ 10 રૂપિયા ઉપાડવાની મર્યાદા વધારી છે.

RBI Money
RBI

શું કહ્યું હતું RBIએ?
કેન્દ્રીય બેંકનાં મુખ્ય મહાપ્રબંધક યોગેશ દયાલે કહ્યું કે, RBI નિર્દેશો અનુસાર, જમાકર્તા બેંકમાં પોતાનાં સેવિંગ, કરંટ અથવા અન્ય કોઇ ખાતામાંથી 1000 રૂપિયાથી વધારે નહીં ઉપાડી શકો. PMC બેંક પર RBIની આગામી મંજૂરી વગર ઋણ અને આગામી ધનરાશિ આપવા અથવા તો રીન્યૂ કરવા, કોઇ પણ પ્રકારનું રોકાણ કરવા, ફ્રેશ ડિપોજિટ સ્વીકાર કરવા વગેરે પર પ્રતિબંધ લગાવી દીધો છે.

આ સંપૂર્ણ મામલા પર પંજાબ એન્ડ મહારાષ્ટ્ર કો-ઓપરેટિવ બેંક (Punjab & Maharashtra Co-operative Bank) નાં એમડી જૉય થૉમસ (Joy thomas) નું નિવેદન પણ આવી ગયું છે. થૉમસે કહ્યું કે, "અમને RBIનાં નિયમોનાં ઉલ્લંઘનનું દુઃખ છે. આ કારણોસર 6 મહીના સુધી અમારા ગ્રાહકોને મુશ્કેલીનો સામનો કરવો પડી શકે છે. જેમ કે એમડીમાં આની હું જવાબદારી લઉં છું. આ સાથે જ એ સુનિશ્ચિત કરું છું કે 6 મહીના પહેલા અમે અમારી ખામીને સુધારી લઇશું."

Punjab & Maharashtra Co-operative Bank PMC Bank પીએમસી બેંક business India RBI Reseve Bank of India
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ