પેટ્રોલ અને ડીઝલ પર એક્સાઈઝ ડ્યુટી ઘટાડા બાદ પ્રધાનમંત્રી મોદીએ ટ્વિટ કરીને જણાવ્યું કે અમારે માટે તો લોકો જ પહેલા છે.
પેટ્રોલ-ડીઝલ પરની એક્સાઈઝ ડ્યુટી ઘટાડા બાદ પીએમ મોદીનું પહેલું ટ્વિટ
કહ્યું- અમારે માટે તો લોકો જ પહેલા છે
સરકારે પેટ્રોલ પર 8 રુપિયા અને ડીઝલ પર 6 રુપિયા ઘટાડી એક્સાઈઝ ડ્યુટી
આને કારણે પેટ્રોલમાં 9.5 રુપિયા અને ડીઝલમાં 7 રુપિયાનો આવ્યો ઘટાડો
કેન્દ્ર સરકાર દ્વારા પેટ્રોલ અને ડીઝલ પરની એક્સાઈઝ ડ્યુટી ઘટાડા બાદ પ્રધાનમંત્રી મોદીએ ટ્વિટ કરીને આ નિર્ણયને વધાવ્યો હતો. પ્રધાનમંત્રી મોદીએ ટ્વિટ કરીને જણાવ્યું કે અમારે માટે તો લોકો જ હંમેશા પહેલા રહ્યાં છે. આજનો નિર્ણય ખાસ કરીને પેટ્રોલ અને ડીઝલ પરના મહત્વનો ઘટાડો વિવિધ સેક્ટર પર પોઝિટીવ અસર પાડશે, આપણા લોકોને રાહત આપશે અને જીવનધોરણ વધારે સરળ બનાવશે.
It is always people first for us!
Today’s decisions, especially the one relating to a significant drop in petrol and diesel prices will positively impact various sectors, provide relief to our citizens and further ‘Ease of Living.’ https://t.co/n0y5kiiJOh
પેટ્રોલ પરની એક્સાઈઝ ડ્યુટીમાં 8 રુપિયા અને ડીઝલ પર 6 રુપિયાનો ઘટાડો
પેટ્રોલ અને ડીઝલના ભાવમાં કેન્દ્ર સરકારે જનતાને મોટી રાહત આપી છે. નાણા મંત્રી નિર્મલા સીતારામણે એવી જાહેરાત કરી છે કે કેન્દ્ર સરકાર પેટ્રોલ પર 8 રુપિયા અને ડીઝલ પર 6 રુપિયા એક્સાઈઝ ડ્યુટી ઘટાડી રહી છે. આને કારણે પેટ્રોલમાં ભાવમાં 9.5 રુપિયા અને ડીઝલમાં 7 રુપિયાનો ઘટાટો આવશે.
Centre slashes excise duty on petrol by Rs 8 per litre, diesel by Rs 6
કેન્દ્ર સરકારે પ્રધાનમંત્રી ઉજ્વલા યોજનાના 9 કરોડ લાભાર્થીઓને 200 રુપિયા પ્રતિ ગેસ સિલિન્ડર (12 સિલિન્ડર સુધી)ની સબસિડી આપવાની પણ જાહેરાત કરી છે. નાણા મંત્રીએ કહ્યું કે તેનાથી આપણી માતાઓ અને બહેનોને મદદ મળશે.
નાણા મંત્રી સીતારામણે રાજ્યોને કરી વેટ ઘટાડાની અપીલ
પેટ્રોલ અને ડીઝલ પરની એક્સાઈઝ ડ્યુટી ઘટાડાની જાહેરાત બાદ નાણા મંત્રી નિર્મલા સીતારામણે રાજ્યોને વેટ ઘટાડાની અપીલ કરી હતી. નાણા મંત્રીની આ અપીલ બાદ રાજ્યો પેટ્રોલ અને ડીઝલ પરનો વેટ ઘટાડે તેવી સંભાવના છે.
પ્લાસ્ટિક પરની કસ્ટમ્સ ડ્યુટી ઘટાડવાનો પણ નિર્ણય
નિર્મલા સીતારામણે એવું પણ જણાવ્યું કે કેન્દ્ર સરકારે પ્લાસ્ટિક પ્રોડક્ટ્સ માટે રો મટિરિયલ્સ પર કસ્ટમ્સ ડ્યુટી ઘટાડવાનો પણ નિર્ણય કર્યો છે. તેમણે કહ્યું કે સ્ટીલના કાચા માલની ઈમ્પોર્ટ ડ્યુટીમાં પણ ઘટાડો કરાશે. સ્ટીલની કેટલીક વસ્તુઓ પર ઈમ્પોર્ટ ડ્યુટી વસૂલવામાં ચાલુ રહેશે.