વડા પ્રધાન નરેન્દ્ર મોદી આજે નાણા અને કોર્પોરેટ બાબતોના મંત્રાલયના પ્રતિષ્ઠિત સપ્તાહની ઉજવણીનું ઉદ્ઘાટન કરતી વખતે રૂ. 1, રૂ. 2, રૂ. 5, રૂ. 10 અને રૂ. 20 ના સિક્કાઓની વિશેષ સિરીઝ બહાર પાડશે.
વડાપ્રધાન મોદી આજે દેશવાસીઓને આપશે મોટી જાહેરાત
પીએમ મોદી દ્વારા આ સિક્કાને કરવામાં આવશે લોન્ચ
દિલ્હીના વિજ્ઞાન ભવન ખાતે યોજાશે કાર્યક્રમ
વડા પ્રધાન નરેન્દ્ર મોદી આજે નાણા અને કોર્પોરેટ બાબતોના મંત્રાલયના પ્રતિષ્ઠિત સપ્તાહની ઉજવણીનું ઉદ્ઘાટન કરતી વખતે રૂ. 1, રૂ. 2, રૂ. 5, રૂ. 10 અને રૂ. 20 ના સિક્કાઓની વિશેષ સિરીઝ બહાર પાડશે. આ વિશેષ સિરીઝના સિક્કાઓ દૃષ્ટિહીન વ્યક્તિઓ દ્વારા સરળતાથી ઓળખી શકાશે.
પીએમઓએ નિવેદન બહાર પાડ્યું
PMOએ એક નિવેદનમાં જણાવ્યું હતું કે, PM 6 જૂન, 2022ના રોજ સવારે 10.30 વાગ્યે નવી દિલ્હીના વિજ્ઞાન ભવન ખાતે નાણા મંત્રાલય અને કોર્પોરેટ બાબતોના મંત્રાલયના પ્રતિષ્ઠિત સપ્તાહની ઉજવણીનું ઉદ્ઘાટન કરશે. "વડાપ્રધાન રૂ. 1, રૂ. 2, રૂ. 5, રૂ. 10 અને રૂ. 20 ના સિક્કાઓની વિશેષ સિરીઝ પણ બહાર પાડશે,"
આ સિક્કા આ પ્રકારના હશે
વિશેષ સિરીઝ હેઠળ, આ સિક્કાઓમાં AKAM નો લોગો હશે. PMOના નિવેદનમાં જણાવવામાં આવ્યું છે કે, "સિક્કાઓની આ વિશેષ સિરીઝમાં AKAM લોગોની થીમ હશે અને દૃષ્ટિહીન વ્યક્તિઓ માટે તે સરળતાથી ઓળખી શકાશે." ઉલ્લેખનીય છે કે, આ સપ્તાહ 6 થી 11 જૂન, 2022 દરમિયાન 'આઝાદી કા અમૃત મહોત્સવ' (AKAM) ના ભાગ રૂપે ઉજવવામાં આવી રહ્યું છે.
સિક્કાઓની વિશેષ સિરીઝ ઉપરાંત, PM ક્રેડિટ-લિંક્ડ સરકારી યોજનાઓ માટેનું રાષ્ટ્રીય પોર્ટલ પણ લોન્ચ કરશે - જન સમર્થ પોર્ટલ, સરકારી ધિરાણ યોજનાઓને લિંક કરતું વન-સ્ટોપ ડિજિટલ પોર્ટલ. જન સમર્થ પોર્ટલ તેના પ્રકારનું પ્રથમ પ્લેટફોર્મ છે જે લાભાર્થીઓને ધિરાણકર્તાઓ સાથે સીધું જોડે છે.