સ્કીમ / સરકાર કરી રહી છે આટલા રુપિયાની સહાય, 1 મહિનામાં 1.54 લાખ અરજી આવી, જાણો કોને મળે છે યોજના

• સ્વનિધિ યોજના રેકડી - લારી અથવા ખુમચા લગાવનારા માટે છે
• સ્કીમ અંતર્ગત 10 હજારની સસ્તી લોન આપવામાં આવશે
• અત્યાર સુધીમાં 1.54 લાખ અરજીઓમાંથી 48 હજાર લોકોની લોન મંજૂર 

પીએમ સ્વનિધિ યોજના રેકડી - લારી અથવા ખુમચા લગાવનારા માટે છે. આ સ્કીમ અંતર્ગત 10 હજારની સસ્તી લોન આપવામાં આવશે.  
 રેકડી - લારી વાળાએ આ લોન એક વર્ષમાં માસિક હપ્તેથી ચુકવવાનું રહેશે. લોનનો હપ્તો સમયસર ચુકવનારા લોકોને વર્ષની 7 ટકા વ્યાજ સબસિડી મળશે.

સરકારે આ વ્યાજ સબસિડી લોન લેનારા વ્યક્તિના અકાઉન્ટમાં ટ્રાન્સફર કરશે. સૌથી મહત્વની વાત એ છે કે સ્કીમ હેઠળ દંડની કોઈ જોગવાઈ નથી. આ લોન માટે કોઈ શરત નથી. આ એક સરળ શરતો સાથે મળનારી લોન છે.

કેન્દ્રીય આવાસ અથવા શહેરી બાબતોના મંત્રાલય મુજબ અત્યાર સુધીમાં 1.54 લાખ અરજીઓમાંથી 48 હજાર  રેકડી - લારી વાળાની લોન મંજૂર કરી દેવામાં આવી છે. ઉલ્લેખનીય છે કે પ્રધાનમંત્રી સ્ટ્રીટ વેન્ડર આત્મનિર્ભર નિધિ(પીએમ સ્વનિધિ) યોજનાની શરુઆત 1 જૂનથી કરવામાં આવી હતી.
સરકારના જણાવ્યાનુંસાર આ યોજનાનો લાભ  રેકડી - લારી લગાવનારા 50 લાખ લોકોને મળશે. શહેરી વિસ્તાર, તેનાથી અંતરીયાળ વિસ્તાર,  અને ગ્રામીણ જનો આનો લાભ લઈ શકે છે.