તમારા કામનું / યુવાનો માટે રોજગારનું કિરણ! PM સૂર્ય ઘર યોજના પર મોટું અપડેટ, સાંભળીને થઈ જશો ગદગદિત

પ્રધાનમંત્રી નરેન્દ્ર મોદીના નેતૃત્વમાં ભારતને આત્મનિર્ભર બનાવવાની દિશામાં વધુ એક મહત્વપૂર્ણ પગલું ભરવામાં આવી રહ્યું છે. સૌર ઉર્જા ક્ષેત્રે ક્રાંતિ લાવવા માટે “PM સૂર્યઘર યોજના” શરૂ કરવામાં આવી છે, જેમાં 30 હજાર યુવાનોને સૂર્ય મિત્ર તરીકે તાલીમ આપવામાં આવશે.

આ યોજના ઉત્તર પ્રદેશની યોગી સરકારના મિશન મોડમાં ઝડપથી આગળ વધી રહી છે, જ્યાં દરેક વ્યક્તિને સૌર ઉર્જા ઉપલબ્ધ કરાવવાનું લક્ષ્ય નક્કી કરવામાં આવ્યું છે. પીએમ સૂર્યઘર યોજના થકી રાજ્યમાં સ્વચ્છ ઉર્જાનું ઉત્પાદન તો વધશે જ, પરંતુ યુવાનોને રોજગારીની નવી તકો પણ મળશે.

જાણીતું છે કે કેન્દ્ર સરકાર દ્વારા ગયા વર્ષે ફેબ્રુઆરીમાં પ્રધાનમંત્રી સૂર્ય ઘર યોજના શરૂ કરવામાં આવી હતી અને આ યોજનાનો લક્ષ્‍યાંક દેશભરમાં એક કરોડ સોલાર રૂફ પર સોલાર પેનલ લગાવવાનો છે. આ માટે PM મોદીએ એક પોર્ટલ પણ લોન્ચ કર્યું છે અને તમે પીએમ સૂર્ય ઘર મફત વીજળી યોજના હેઠળ છત પર સોલર પેનલ માટે કેવી રીતે અરજી કરી શકો છો, ચાલો એ જાણીએ...

• સૌથી પહેલા તમારે https://pmsuryaghar.gov.in/ પોર્ટલની મુલાકાત લેવી પડશે. અહીં રજિસ્ટ્રેશન કરાવવું પડશે.
• આ માટે તમારે તમારી સ્ટેટ અને ઈલેક્ટ્રિસિટી ડિસ્ટ્રીબ્યૂશન કંપનીની પસંદગી કરવાની રહેશે. આ પછી, વીજ ગ્રાહક નંબર, મોબાઇલ નંબર અને ઇમેઇલ વિશેની માહિતી આપવી પડશે.
• આ પછી, ગ્રાહક નંબર અને મોબાઇલ નંબર સાથે લોગઇન કરો. લોગઇન કર્યા બાદ રૂફટોપ સોલાર ફોર્મથી અરજી કરવાની રહેશે.
• ડિસ્કોમ પાસેથી શક્યતાની મંજૂરી માટે રાહ જુઓ. જો તમને શક્યતાની મંજૂરી મળે છે, તો તમે તમારા ડિસ્કોમમાં કોઈપણ નોંધાયેલા વિક્રેતાઓ પાસેથી પ્લાન્ટ ઇન્સ્ટોલ કરી શકો છો.
• ઇન્સ્ટોલેશન પૂર્ણ થયા પછી, પ્લાન્ટની વિગતો સબમિટ કરો અને નેટ મીટર માટે અરજી કરો.
• નેટ મીટર ઇન્સ્ટોલ કર્યા બાદ અને ડિસ્કોમ દ્વારા ચકાસણી કર્યા બાદ પોર્ટલ પરથી કમિશનિંગ સર્ટિફિકેટ જનરેટ કરવામાં આવશે.
• કમિશનિંગ રિપોર્ટ પ્રાપ્ત કર્યા પછી, પોર્ટલ દ્વારા બેંક ખાતાની વિગતો અને રદ કરાયેલો ચેક સબમિટ કરો. આ પછી, તમારી સબસિડી બેંક ખાતામાં 30 દિવસની અંદર મળી જશે.

વધુ વાંચો: 200 વર્ષ સુધી ભારતને લૂંટનાર બ્રિટન આખરે કેમ થઇ રહ્યું છે ધીરે-ધીરે કંગાળ? જાણો ચોંકાવનારા કારણ

સાથે તેના પર સબસિડી પણ મળે છે

આ વિશેની દરેક માહિતી તમને https://pmsuryaghar.gov.in/ પર મળી રહેશે. તેમાં આપવામાં આવેલ માહિતી અનુસાર જો તમે ઘરમાં 2kW રૂફટોપ સોલર ઇન્સ્ટોલ કરવા માંગો છો તો તેની કુલ કિંમત 47,000 રૂપિયા થશે. જેના પર સરકાર 18,000 રૂપિયાની સબસિડી આપશે. આ રીતે ગ્રાહકે રૂફટોપ સોલાર લગાવવા માટે 29,000 રૂપિયા ચૂકવવા પડશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ