ફટકાર / ચેસ ઓલિમ્પિયાડની જાહેરાતોમાંથી PM-રાષ્ટ્રપતિની તસવીર ગાયબ, મદ્રાસ HCએ તમિલનાડુ સરકારનો લીધો ઉધડો

• મદ્રાસ હાઈકોર્ટે તમિલનાડુ સરકારને ફટકાર લગાવી
• રાષ્ટ્રપતિ અને PMની ફોટાવાળી જાહેરાતો સાથે છેડછાડ કરનારાઓ સામે કડક કાર્યવાહી
• મદુરાઈના રહેવાસીની PILનો નિકાલ કરતી વખતે બેન્ચે આ અવલોકન કર્યું 

ચીફ જસ્ટિસ એમએન ભંડારી અને જસ્ટિસ એસ અનંતીની ખંડપીઠે રાજ્ય સરકાર દ્વારા બંનેના ફોટાનો સમાવેશ ન કરવા માટે આપવામાં આવેલા કારણોને ફગાવી દીધા હતા.મદ્રાસ હાઈકોર્ટની મદુરાઈ બેંચે સ્ટાલિન સરકારને આદેશ આપ્યો છે કે ચેસ ઓલિમ્પિયાડ 2022 સંબંધિત તમામ જાહેરાતોમાં રાષ્ટ્રપતિ અને વડાપ્રધાન બંનેની તસવીરો દેખાય તે સુનિશ્ચિત કરે. આ સાથે બેન્ચે એમ પણ કહ્યું કે રાષ્ટ્રપતિ અને વડાપ્રધાનની તસવીરોવાળી જાહેરાતો સાથે છેડછાડ કરનારાઓ સામે કડક કાર્યવાહી કરવામાં આવે.

#UPDATE: Madurai bench of Madras HC has ordered the TN govt to ensure that photos of both the President & PM appear in all advertisements related to Chess Olympiad 2022. Strict action should be taken against those involved in the tampering of ads with photos of the President & PM pic.twitter.com/1gsaJtGqK8

— ANI (@ANI) July 28, 2022

શું કહ્યું મદ્રાસ હાઈકોર્ટે

ખંડપીઠે કહ્યું કે જાહેર કાર્યક્રમોના મામલામાં, રાષ્ટ્રીય હિત અને સુપ્રીમ કોર્ટના નિર્દેશોને ધ્યાનમાં રાખીને, એ સુનિશ્ચિત કરવું જોઈએ કે રાષ્ટ્રપતિ અથવા વડા પ્રધાન જેવા મહાનુભાવ આંતરરાષ્ટ્રીય કાર્યક્રમમાં આમંત્રણ સ્વીકારે છે કે નહીં, તેના ફોટા ત્યાં હોવા જોઈએ કારણ કે તે આંતરરાષ્ટ્રીય સ્તરે દેશનું પ્રતિનિધિત્વ કરે છે.હકીકતમાં, મદુરાઈના રહેવાસી આર રાજેશ કુમાર દ્વારા દાખલ કરવામાં આવેલી PILનો નિકાલ કરતી વખતે બેન્ચે આ અવલોકન કર્યું હતું.
 
અરજદારે આ વાત કોર્ટને જણાવી હતી

તમને જણાવી દઈએ કે, અરજીમાં મમલ્લાપુરમમાં 28 જુલાઈથી 10 ઓગસ્ટ દરમિયાન યોજાનારી 44મી ચેસ ઓલિમ્પિયાડ માટેની તમામ જાહેરાતોમાં માત્ર રાજ્યના મુખ્યમંત્રી એમકે સ્ટાલિનના ફોટાના ઉપયોગને ગેરકાયદેસર, મનસ્વી અને અનેક મામલામાં સર્વોચ્ચ અદાલત દ્વારા જારી કરાયેલા નિર્દેશોનું ઉલ્લંઘન ગણાવ્યું હતું. અરજદારે કોર્ટને વિનંતી કરી હતી કે તમિલનાડુ સરકારને જાહેરાતોમાં રાષ્ટ્રપતિ અને વડાપ્રધાનની તસવીરો સામેલ કરવાનો નિર્દેશ આપે.