શું PM નરેન્દ્ર મોદીની મુંબઈ મુલાકાત દરમિયાન કોઈ મોટું કાવતરું ઘડવામાં આવ્યું હતું? જે સ્થળે PM મોદીની સભા યોજાઈ હતી, ત્યાંથી બે શખ્સોની ધરપકડ કરવામાં આવી છે. જેમાંથી એક પાસેથી ઘાતક હથિયારો મળી આવ્યા છે.
PM નરેન્દ્ર મોદીની સુરક્ષામાં મોટી ચૂક થઈ ?
શું કોઈ મોટા ષડયંત્રને અંજામ આપવાનો હતો?
મુંબઈની સભામાં હાજર નકલી NSG જવાન ઝડપાયો
બ્રાંદ્રા કુર્લા કોમ્પ્લેક્ષ (BKC)ના MMRDA મેદાનમાં બે દિવસ પહેલા વડાપ્રધાન નરેનદ્ર મોદીની સભા યોજાઈ હતી. આ સભા સ્થળ પાસેથી બે આરોપીઓની ધરપકડ કરવામાં આવી છે. જેમાંથી એક પાસેથી ઘાતક હથિયારો પણ મળી આવ્યા છે. પોલીસે કતરામ ચંદ્રગાઈ કાવડ અને રામેશ્વર મિશ્રા નામના બે શખ્સોની ધરપકડ કરી છે. વડાપ્રધાન નરેન્દ્ર મોદીની મુંબઈની મુલાકાત દરમિયાન શું કોઈ મોટા ષડયંત્રને અંજામ આપવાનો હતો? તે દિવસે શું મુંબઈની સુરક્ષાને લઈને કોઈ મોટો ખતરો ઊભો થવાનો હતો, જે ટળી ગયો?
પોલીસે ગુનો નોંધી તપાસ હાથ ધરી
કતરામ (ઉં.વ 39) મુંબઈને અડીને આવેલા ભિવંડી વિસ્તારનો રહેવાસી છે. તે હોટલ અને ટ્રાન્સપોર્ટના બિઝનેસ સાથે સંકળાયેલો છે. પીએમ મોદીની સભા સ્થળ પર પેટ્રોલિંગ દરમિયાન પોલીસકર્મીઓને તેના પર શંકા ગઈ અને તેને પકડી લીધો. તેની પાસેથી સ્મિથ એન્ડ વેગન સ્પ્રિંગફીલ્ડ રિવોલ્વર અને ચાર ગોળીઓ પણ મળી આવી હતી. તેની પાસે રિવોલ્વરનું લાયસન્સ હોવાની પણ માહિતી મળી છે. મુંબઈ પોલીસના આદેશનું ઉલ્લંઘન કરવા બદલ બીકેસી પોલીસ સ્ટેશનમાં કલમ 37 (1), 135 મપોકા 1951 હેઠળ કાટરામ વિરુદ્ધ કેસ નોંધવામાં આવ્યો છે. હાલમાં પોલીસ તપાસ ચાલુ છે.
Memorable day for Mumbai! Speaking at launch of multiple development initiatives benefiting the citizens of this vibrant city. https://t.co/B5yy73uIYH
નકલી NSG જવાન ઝડપાયો
આ ઉપરાંત અન્ય એક શખ્સ પોતાને NSG જવાન જણાવીને અંદર આવ્યો હતો. રામેશ્વર મિશ્રા નામનો આ વ્યક્તિ PM મોદીના સભા સ્થળ પર પહોંચવાના લગભગ 90 મિનિટ પહેલા નવી મુંબઈથી અહીં પહોંચી ગયો હતો. તે NSGમાં નાયકના પદ પર કામ કરતો હોવાનું જણાવીને સભા સ્થળે ઘુસ્યો હતો. આ રીતે તે VVIP વિસ્તારમાં પ્રવેશવાનો પ્રયાસ કરી રહ્યો હતો. જોકે, મુંબઈ ક્રાઈમ બ્રાન્ચના અધિકારીઓને તેના પર શંકા જતાં તેમણે તેને અટકાવી પૂછપરછ શરૂ કરી હતી. આરોપી પાસેથી 13 જાન્યુઆરીએ જારી કરવામાં આવેલું એલિટ નેશનલ સિક્યોરિટી ગાર્ડનું ફેક આઈડી મળી આવ્યું છે.
બ્રાંદ્રા કોર્ટે આરોપીને પોલીસ કસ્ટડીમાં મોકલ્યો
પોલીસ પૂછપરછ દરમિયાન આરોપી દાવો કરતો રહ્યો કે તે NSGના પઠાણકોટ હબમાં પોસ્ટિંગ પર છે. પરંતુ જ્યારે મુંબઈ પોલીસે તપાસ કરી તો તેનું આઈડી નકલી હોવાનું જાણવા મળ્યું હતું. આરોપી મિશ્રા વિરુદ્ધ આઈપીસીની કલમ 171, 465, 468 અને 471 હેઠળ કેસ નોંધવામાં આવ્યો છે. શુક્રવારે તેને બાંદ્રા કોર્ટમાં રજૂ કરવામાં આવ્યો હતો. કોર્ટે તેને 24 કલાકની પોલીસ કસ્ટડીમાં મોકલી આપ્યો હતો.