ગાંધીનગર ખાતે મનપાની ચૂંટણી યોજાઈ રહી છે ત્યારે PM મોદીના માતા હીરાબાએ વાડીબાઈ વિદ્યાસંકુલ ખાતે મતદાન કરી મતદાન જાગૃતિ અંગે લોકોને સંદેશ આપ્યો છે.
ગાંધીનગર મનપાની ચૂંટણીનો જંગ
PM મોદીના માતા હીરાબાએ મતદાન કર્યું
રાયસણમાં હીરાબાએ કર્યું મતદાન
ગાંધીનગરમાં મહાનગર પાલિકાની ચૂંટણી યોજાઈ રહી છે ત્યારે PM મોદીના માતા હીરાબા રાયસણ ખાતે મતદાન કરવા પહોંચ્યા હતા, વડાપ્રધાન મોદીના માતા હીરાબાએ વોર્ડ નં 10માં વાડીબાઈ વિદ્યાસંકુલ ખાતે મતદાન કરી મતદાન જાગૃતિનો સંદેશ લોકોને આપ્યો છે. હીરાબાએ 99 વર્ષની વયે પણ મતદાન કરી એક નાગરિક તરીકેની ફરજ અદા કરી છે, વડાપ્રધાન મોદીના માતા હીરાબા PM મોદીના ભાઈ પંકજ મોદી સાથે રાયસણમાં મતદાન મથકે મતદાન કર્યું હતું, હીરાબાએ સહાયકની મદદથી મતદાન કરી લોકોને મતદાન જાગૃતીનો સંદેશ આપ્યો છે.
PM મોદીના માતા હીરાબાએ મતદાન કર્યું
વડાપ્રધાન મોદીના માતા હીરાબા દકેક ચૂંટણીઓમાં મતદાન કરતા જોવા મળે છે સ્થાનિકસ્વરાજ્યની ચૂંટણીઓ હોય કે વિધાનસભાની ચૂંટણીઓમાં, કે લોકસભાની ચૂંટણીઓ હોય ત્યારે હીરાબાએ ગાંધીનગર મનાપાની ચૂંટણીમાં પણ મતદાન કરી પોતાની ફરજ અદા કરી છે અને લોકોને એક જાગૃત નાગરિક તરીકેનો સંદેશો આપી સૌ કોઈને કઈને મતદાન કરવા પ્રેરિત કરી રહ્યા છે, મહત્વનું કેટલીક વાર યુવાનો મતદાન કરવાનું ટાળતા હોય છે ત્યારે શહેરના સિનિયર સિટીઝનો આજે મતદાન કરવા પહોંચી રહ્યા છે, ત્યારે વડાપ્રધાન મોદીના માતા હીરાબાએ પણ રાયસણ ખાતે વાડીબાઈ વિદ્યાસંકુલમાં મતદાન કરી એક જાગૃત નાગરિક તરીકેની ફરજ નિભાવી છે. હીરાબાંદ હંમેશા ચૂંટણીઓમાં મતદાન કરતા નજરે પડે છે.
કોબા ખાતે મતદારોની ભીડ જોવા મળી
ગાંધીનગર મનપાની ચૂંટણીને લઈ અનેરો ઉત્સાહ છે ત્યારે મતદાનની પ્રક્રિયા શાંતિપૂર્ણ માહોલમાં યોજાઈ રહી છે, જેમાં કોવિડ ગાઈડ લાઈનનું પણ પાલન કરવામાં આવી રહ્યું છે. આજે સિનિયર સિટીઝન પણ મતદાન કરવા પહોંચી રહ્યા છે. કોબા ખાતે 80 વર્ષના વૃદ્ધાએ પણ મતદાન કર્યું હતું, સિનિયર સિટીઝનો, યુવાનો પણ મતદાન કરવા પહોંચી રહ્યા છે.
અસુવિધાને કારણે મહિલાઓને પડી રહી છે મુશ્કેલી
મહત્વનું છે કે ગાંધીનગર મનપાની ચૂંટણીને લઈને કેટલાક મતદાન મથકો પણ અસુવિધાને કારણે મહિલાઓને મુશ્કેલીનો પણ સામેનો કરવો પડી રહ્યો છે. દિવગ્યાંગ મહિલાઓ માટે મતદાન મથકે વ્હીલચેરની કોઈ વ્યવસ્થા પણ કરવામાં આવી નથી, ગાંધીનગર ખાતે સેક્ટર 6માં આવેલા વોર્ડ નં 10માં દિવગ્યાંગ મહિલાઓને વ્હીલ ચેરની સુવિધા ન પડતી તેમને મુશ્કેલી વેઠવી પડી રહી છે. આ તરફ મનપાની ચૂંટણીને લઈ બિહારના સંગઠન મહામંત્રી ભીખુભાઈ દલસાણીયાએ પણ કોબા ખાતે મતદાન કર્યું હતું, અને મતદાન પહેલા તેમણે મતદાન પ્રક્રિયાનો ચિતાર મેળવ્યો હતો.