કોંગ્રેસ અધ્યક્ષ રાહુલ ગાંધીનો આજે જન્મદિવસ PM મોદીએ ટ્વીટ કરી પાઠવી શુભેચ્છા

નવી દિલ્હીઃ 2019 લોકસભા ચૂંટણીની તૈયારીઓમાં લાગેલ અધ્યક્ષ રાહુલ ગાંધીનો આજે જન્મદિન છે. રાહુલ ગાંધીના આજે 48 વર્ષ પૂર્ણ થઈ ગયા છે. ત્યારે કોંગ્રસ કાર્યકર્તા સમગ્ર દેશમાં પોતાના નેતાનો જન્મદિવસને બહુ જ ધૂમધામથી મનાવવાની તૈયારીમાં છે. 19 જૂન 1970ના રોજ જન્મેલ રાહુલ ગાંધીએ 2004માં સક્રિય રાજનીતિમાં ડગ માંડ્યો હતો. હવે તેઓ પાર્ટીના અધ્યક્ષ છે અને છેલ્લા કેટલાક દિવસોમાં તેમણે પોતાની રાજનીતિમાં ધમખમ ફેરફારો લાવી દીધા છે.

કોંગ્રેસ અધ્યક્ષ રાહુલ ગાંધીનો આજે જન્મદિન છે. આ અવસરે પીએમ નરેન્દ્ર મોદીએ ટ્વીટ કરીને રાહુલ ગાંધીને શુભેચ્છા પાઠવી છે. પીએમ મોદીએ તેમના સ્વાસ્થ્ય અને દિર્ઘાયુ જીવનની પ્રાર્થના કરી છે.

જન્મ દિવસની શુભકામના
કોંગ્રેસ અધ્યક્ષને જન્મ દિવસની ખુબ ખુબ શુભકામના. તેમના માટે દિર્ઘાયુ અને સ્વસ્થ્ય જીવનની પ્રાર્થના કરૂ છું.
- નરેન્દ્ર મોદી પ્રધાનમંત્રી 
 

Birthday greetings to Congress President Shri @RahulGandhi. I pray for his long and healthy life.

— Narendra Modi (@narendramodi) June 19 2018

રાહુલ ગાંધીએ હવે આક્રામક રૂપ અપનાવ્યો છે તેઓ સીધીરીતે પીએમ નરેન્દ્ર મોદી પર હુમલો કરે છે અને સોશિયલ મીડિયા દ્વારા પણ કટાક્ષ કરવાનું છોડતા નથી. 2014ની લોકસભા ચૂંટણી બાદ કોંગ્રેસે સતત હારનો સામનો કરવો પડ્યો હતો જેને લઇને રાહુલ ગાંધીને પણ ઘેરવામાં આવી રહ્યા હતા.

ગત વર્ષ પાર્ટીનું અધ્યક્ષ પદ સંભાલ્યા બાદ ગુજરાત અને કર્ણાટક ચૂંટણીમાં જે રીતે પાર્ટીને તેમણે લડાવી અને ભારતીય જનતા પાર્ટીને ટક્કર આપી તેમણે કોંગ્રેસ કાર્યકર્તાઓમાં નવો પ્રાણ ફૂંક્યો. ગુજરાતમાં ભલે પાર્ટીને જીત ન મળી પરંતુ કર્ણાટકમાં અંતે ભાજપને હાર અપાવી દીધી.