જીતની શુભેચ્છા / PM મોદીએ ગુજરાતમાંથી ટ્વિટ કરીને મલ્લિકાર્જૂન ખડગેને આપ્યાં જીતના અભિનંદન, જાણો શું કહ્યું

• પીએમ મોદીએ મલ્લિકાર્જૂન ખડગેને આપ્યાં અભિનંદન 
• ટ્વિટ કરીને જીતના આપ્યાં અભિનંદન 
• કોંગ્રેસ અધ્યક્ષ તરીકે તમારી નવી જવાબદારી ફળદાયી નીવડે 

કોંગ્રેસના નવા ચૂંટાયેલા અધ્યક્ષ મલ્લિકાર્જૂન ખડગેને પ્રધાનમંત્રી મોદીએ અભિનંદન આપ્યાં છે. પીએમ મોદી હાલમાં ગુજરાતના પ્રવાસે છે અને તેમણે ત્યાંથી ખડગેને અભિનંદન આપતું ટ્વિટ કર્યું હતું. 

PM Narendra Modi wishes Mallikarjun Kharge 'fruitful tenure' in his new responsibility as Congress president

— Press Trust of India (@PTI_News) October 19, 2022

તમારી નવી જવાબદારી ફળદાયી નીવડે તેવી શુભેચ્છા- પીએમ મોદી 
પીએમ મોદીએ તેમના ટ્વિટમાં લખ્યું કે કોંગ્રેસ અધ્યક્ષ તરીકે તમારી નવી જવાબદારી ફળદાયી નીવડે તેવી શુભેચ્છા. 

Prime Minister Narendra Modi extends his wishes Mallikarjun Kharge on being elected as the President of the Congress party. pic.twitter.com/OePHRBfh6S

— ANI (@ANI) October 19, 2022

કેન્દ્રીય મંત્રી અનુરાગ ઠાકુરે પણ ખડગેને આપ્યાં અભિનંદન 
કેન્દ્રીય મંત્રી અનુરાગ ઠાકુરે પણ ખડગેને અભિનંદન આપ્યાં હતા. અનુરાગ ઠાકુરે કહ્યું કોંગ્રેસ અધ્યક્ષ બનવા બદલ  ખડગેને મારી શુભેચ્છા. પરંતુ કેટલા વોટ રદ કરાયા, કેટલા ખોટા હતા તે મોટો સવાલ ઊભો કરે છે. 

મલ્લિકાર્જૂન ખડગે બન્યાં કોંગ્રેસના નવા અધ્યક્ષ

મલ્લિકાર્જૂન ખડગે કોંગ્રેસના નવા અધ્યક્ષ બની ગયા છે અને તેઓ 26 ઓક્ટોબરે કોંગ્રેસ અધ્યક્ષ તરીકેનો હોદ્દો સંભાળવા જઈ રહ્યાં છે તેવું જાણવા મળ્યું છે. અધ્યક્ષ બન્યા બાદ ખડગેએ રણદીપ સુરજેવાલા અને પાર્ટીના બીજા એક નેતા સાથે પ્રેસ કોન્ફરન્સ યોજી હતી. પ્રેસ કોન્ફરન્સમાં રણદીપ સુરજેવાલાએ કહ્યું કે નવા અધ્યક્ષ ખડગેએ 26 ઓક્ટોબરે અધ્યક્ષ તરીકે શપથ લેશે. 

પાર્ટીમાં કોઈ મોટું કે નાનું નથી- ખડગે
કોંગ્રેસના ચૂંટાયેલા અધ્યક્ષ મલ્લિકાર્જુન ખડગેએ કહ્યું કે આપણે બધાએ પાર્ટીના કાર્યકરોની જેમ કામ કરવાનું છે, પાર્ટીમાં કોઈ મોટું કે નાનું નથી. સાંપ્રદાયિકતાની આડમાં લોકતાંત્રિક સંસ્થાઓ પર હુમલો કરનારા ફાસીવાદી શક્તિઓ સામે આપણે એક થઈને લડવું પડશે.