ગુજરાતમાં જેમ-જેમ ચૂંટણી નજીક આવી રહી છે તેમ તેમ રાજકીય પક્ષોના કેન્દ્રીય નેતાઓના ઉપરાઉપરી ગુજરાતના પ્રવાસ ગોઠવાઈ રહ્યા છે. ઉપરાંત મતદારોને આકર્ષવા કામગીરી સાથે રણનીતિ પણ તૈયાર કરવામાં આવી રહી છે. તેવામાં ફરી એક વખત વડાપ્રધાન નરેન્દ્ર મોદી ગુજરાતના પ્રવાસે આવી રહ્યા છે. સૂત્રો પાપ્ત વિગતો મુજબ PM મોદી 5 જૂને ગુજરાતના પ્રવાસે આવી શકે છે. આ દરમિયાન તેઑ બારડોલીમાં બુલેટ ટ્રેન પ્રોજેક્ટની કામગીરીનું નિરીક્ષણ કરશે, જેને લઇને કાર્યકરોમાં ભારે ઉત્સાહ જોવા મળી રહ્યો છે. તો વહીવટી તંત્ર દ્વારા તડામાર તૈયારી આરંભી દેવામાં આવી છે.
PM બુલેટ ટ્રેન પ્રોજેક્ટની કામગીરીનું નિરીક્ષણ કરશે
પ્રધાનમંત્રી નરેન્દ્ર મોદી ફરી ગુજરાતની મુલાકાતે આવશે. PM મોદી બારડોલીમાં બુલેટ ટ્રેન પ્રોજેક્ટની કામગીરીનું નિરીક્ષણ કરશે અને અંત્રોલીમાં નિર્માણાધીન બુલેટ ટ્રેન સ્ટેશનની મુલાકાત કરશે. પ્રધાનમંત્રીના આગમનને લઈ અંત્રોલીમાં તૈયારીઓ શરૂ કરાઈ છે તેમજ PMના કાફલાનો રૂટ અને સુરક્ષા બાબતે સર્વે હાથ ધરવામાં આવ્યો છે. PMના હેલિકોપ્ટરને અંત્રોલીના ક્રિકેટ મેદાનમાં હેલિપેડ પર ઉતારાશે.
આજે પીએમ મોદી રાજસ્થાનની મુલાકાતે
પીએમ મોદી આજે રાજસ્થાનની મુલાકાતે છે. તેઓની આ મુલાકાતને પગલે પુષ્કર ખાતે બ્રહ્મા મંદિરમાં વિશેષ પૂજા અર્ચનાનું આયોજન કરવામાં આવ્યું હતું. મંદિરના ચાર પૂજારીઓ દ્વારા પીએમ મોદી માટે વિશેષ પૂજાનું આયોજન કરવામાં આવ્યું હતું. જ્યા પૂજા બાદ પીએમ મોદીએ પુષ્કરના ઇતિહાસ વિશે જાણકારી પ્રાપ્ત કરી હતી.હેલિકોપ્ટર દ્વારા પુષ્કર પહોંચ્યા બાદ જ્યા બ્રહ્મા મંદિરમાં પૂજા અને મંદિરના ઇતિહાસની જાણકારી લીધા બાદ પીએમ મોદી હેલિકોપ્ટર મારફતે જયપુર-અજમેર હાઇવે પર આવેલ કાયડ આશ્રમ સ્થાને જવા રવાના થયા હતા. જ્યા તેઓ જંગી જનસભાને સંબોધન કર્યું હતું. સરકારના 9 વર્ષ પૂર્ણ થતાં વિશાળ જનસભામાં સંબોધન કરતા મોદીએ કહ્યું હતુ. કે 2014 પહેલા સરકાર રિમોટ કંટ્રોલથી ચાલતી હતી.