ઉદ્ધાટન / ચૌરીચૌરા શતાબ્દી મહોત્સવની આજથી થશે શરૂઆત, પીએમ મોદી કરશે ઉદ્ધાટન

• ચૌરીચૌરા શતાબ્દી મહોત્સવ
• PM મોદી મહોત્સવનું કરશે ઉદ્ઘાટન
• શહીદોની યાદમાં સમગ્ર વર્ષ આયોજન
• શહીદો, સ્વતંત્રતા સેનાનીના પરિવારોને સમ્માન

મળતી માહિતી અનુસાર આ મહોત્સવને લઈને ગઈકાલથી તૈયારીઓ શરૂ થઈ ચૂકી છે અને સમગ્ર ગોરખપુરને તૈયાર કરી દેવાયું છે. રાજ્યપાલ આનંદી બેન પટેલ પણ વર્ચ્યુઅલ રીતે સમારોહમાં જોડાશે. કાર્યક્રમમાં પીએમ મોદીનું સંબોઘન પણ રહેશે.

ચૌરીચૌરા શહીદોના સમ્માનમાં યોજાશે સૌથી મોટો કાર્યક્રમ

સમગ્ર વર્ષ દરમિયાન ચાલશે. અને અલગ અલગ દિવસ કાર્યક્રમ યોજાશે. ચૌરીચૌરા ઘટનાને 100 વર્ષ પૂર્ણ થવાના અવસર પર ગોરખપુર સહિત પ્રદેશમાં તમામ જિલ્લામાં કાર્યક્રમ થશે. ચૌરીચૌરા શહીદોના સમ્માનમાં અત્યાર સુધીનો સૌથી મોટો કાર્યક્રમ યોજાશે. શહીદો અને સ્વતંત્રતા સંગ્રામ સેનાનીઓના પરિવારજનોને સમ્માનિત કરવામાં આવશે.

प्रधानमंत्री नरेंद्र मोदी आज वीडियो कॉन्फ्रेंसिंग के जरिए उत्तर प्रदेश के गोरखपुर में चौरी-चौरा शताब्दी समारोह का उद्घाटन करेंगे। pic.twitter.com/UQuFybCNPk

— ANI_HindiNews (@AHindinews) February 4, 2021

આવી હશે વ્યવસ્થા

શહીદ સ્મારક પાસે કાર્યક્રમના સ્થળે મુખ્ય મંચ પર એલઈડી સ્ક્રીન હશે. સંબોધન અને શહીદોની યાદમાં પોસ્ટ ટિકિટ જાહેર કરતાં પીએમ મોદી સ્ક્રીન પર દેખાશ. લોકોને બેસવા માટે 5000 ખુરશીઓ હશે. ડીપીઆરઓની દેખરેખમાં સફાઈ કર્મીઓની ટીમ પણ કામ કરશે. 

આવી રીતે ઘટી હતી ઘટના

ચૌરીચૌરાની ઘટના 4 ફેબ્રુઆરી 1922માં ઘટી હતી., ચૌરીચૌરાના ભોપા બજારમાં સત્યાગ્રહીએ એકઠા થયા હતા. જ્યાં એક સિપાહીએ ગાંધી ટોપીને પગ નીચે કચડી હતી. જેથી સત્યાગ્રહીઓ રોષે ભરાયા હતા. અને પોલીસકર્મીઓ સાથે ઘર્ષણ થયું હતું. જેમાં પોલીસે ફાયરિંગ કરતા 3 સત્યાગ્રહી શહીદ થયા હતા. અને 50થી વધુ ઘાયલ થયા હતા. ક્રાંતિકારીઓએ પોલીસ ચોકીને આગ ચાંપી દેતા 23 પોલીસકર્મીના મૃત્યુ થયા હતા. આ ઘટના બાદ 19 લોકોને ફાંસીની સજા ફટકારાઈ હતી.

આ લોકોને અપાઈ હતી ફાંસી

અબ્દુલ્લા, ભગવાન, વિક્રમ, દુદહી, કાલી ચરણ, લાલ મોહમ્મદ, લૌતી, મધ્યાવા, મેઘુ અલી, નઝર અલી, રઘુવીર, રામલગન, રામરૂપ, રૂદાલી, સહદેવ, સંપત પુત્ર મોહન, સંપત, શ્યામ સુંદર અને સીતારામને ઘટનાના દોષી માનીને ફાંસીની સજા અપાઈ હતી.  

આ પોલીસ કર્મીઓના થયા હતા મોત

થાણેદાર ગુપ્તેશ્વર સિંઘ, સબ-ઇન્સ્પેક્ટર સશસ્ત્ર પોલીસ દળ પૃથ્વી પાલ સિંઘ, હેડ કોન્સ્ટેબલ વશીર ખાન, કપિલ દેવસિંહ, લાખાસિંહ, રઘુવીરસિંહ, વિશેશ રામ યાદવ, મોહમ્મદ અલી, હસન ખાન, ગદાબક્ષ ખાન, જામા ખાન, મગરુ ચૌબે, રામબલી પાંડે સિવાય તે દિવસે પોલીસ સ્ટેશન આવેલા ઇન્દ્રસન સિંહ, રામલખનસિંહ, મરદાના ખાન, જગદેવસિંહ, જગાઈ સિંઘ, અને ચોકીદાર બાઝિર, ખીણસાઈ, જાથાળ અને કટારુ રામના મોત થયા હતા.

શું છે ચૌરીચોરાની ઘટના?   

• 4 ફેબ્રુઆરી, 1922માં ચૌરીચૌરાના ભોપા બજારમાં સત્યાગ્રહી એકઠા થયા હતા
• એક સત્યાગ્રહીની ગાંધી ટોપીને એક સિપાહીએ પગ નીચે કચડી હતી
• આ મામલે સત્યાગ્રહીઓ રોષે ભરાયા હતા અને પોલીસ પર હુમલો કર્યો હતો
• પોલીસકર્મીઓ ભાગીને પોલીસ સ્ટેશનમાં છુપાઈ ગયા હતા
• સત્યાગ્રહીઓએ પોલીસ સ્ટેશનનો ઘેરાવો કર્યો હતો
• પોલીસે આ દરમિયાન ફાયરિંગ શરૂ કર્યું હતું
• ત્રણ સત્યાગ્રહી ઘટનાસ્થળે શહીદ થઈ ગયા હતા
• ઘટનામાં 50થી વધુ લોકો ઘાયલ થયા હતા
• ક્રાંતિકારીઓએ પોલીસ ચોકીને આગ લગાવી દીધી હતી
• આ આગમાં ઈન્સ્પેક્ટર સહિત 23 પોલીસકર્મીના મૃત્યુ થયા હતા
• આ ઘટના બાદ 19 લોકોને ફાંસી આપવામાં આવી હતી