IPLIN
 

ચર્ચા જામી / Twitter નો મજેદાર કિસ્સો, યૂઝરે અફઘાની રાજદૂતને ગામમાં બોલાવ્યાં, PM મોદીએ લખ્યું સુરતના હરિપુરા પણ જજો

Team VTV 06:37 PM, 01 Jul 21
Follow us
pm narendra modi tweet afghan ambassador farid mamundzay farmer haripura village

અફઘાની રાજદૂત ફરીદ મામુન્દઝઈને રાજસ્થાનના એક ખેડૂતે પોતાના ગામ આવવાનું આમંત્રણ પાઠવ્યું ત્યારે પીએમ મોદીએ પણ તેમને ગુજરાતના હરિપુરા ગામમાં જવાનું જણાવ્યું.

  • Twitter પર બન્યો મજેદાર કિસ્સો
  • એક યુઝરે અફઘાની રાજદૂતને ગામમાં બોલાવ્યાં
  • ત્યારે તેમની વચ્ચેની ચર્ચામાં પ્રધાનમંત્રીએ પણ ઝુકાવ્યું
  • પીએમ મોદીએ લખ્યું, સુરતના હરિપુરા પણ જજો

ભારતમાં અફઘાનિસ્તાનના રાજદૂતે પોતાના જીવનનો એક કિસ્સો શેર કર્યો. 

ટ્વિટર પર બનેલા એક અનોખા કિસ્સામાં ભારતમાં અફઘાનિસ્તાનના રાજદૂત ફરીદ મામુન્દઝઈએ પોતાના જીવનનો એક કિસ્સો શેર કર્યો. રાજદૂતે તેમની મુલાકાત દરમિયાન એક ભારતીય ડૉક્ટર વિશે પોસ્ટ કરી હતી. તેમણે પોસ્ટમાં જણાવ્યું હતું કે, જ્યારે ભારતીય ડૉક્ટરને ખબર પડી હતી કે, તેમના દર્દી ભારતમાં અફઘાનના રાજદૂત છે, ત્યારે તેમણે કહ્યું કે, તેઓ તેમના ભાઈનો ચાર્જ નહીં લે. આ ટ્વીટ હિંદીમાં હતી.

રાજસ્થાનના એક ખેડૂતે અફઘાની રાજદૂતને પોતાના ગામ હરિપુરા આવવાનું આમંત્રણ પાઠવ્યું

રાજસ્થાનના એક ખેડૂતે અફઘાની રાજદૂતને પોતાના ગામ હરિપુરા આવવાનું આમંત્રણ પાઠવ્યું. આ ટ્વિટનો જવાબ આપતા પ્રધાનમંત્રી મોદીએ પણ લખ્યું કે તમે ખેડૂતના ગામ જાઓ તો તમે સુરતના હરિપુરા ગામ પણ જતા આવજો. 

ટ્વિટ વાંચીને મોદીએ પણ ઝુકાવ્યું, અફઘાની રાજદૂતને સુરતના હરિપુરા ગામમાં જવાનું જણાવ્યું 

પ્રધાનમંત્રી શ્રી નરેન્દ્ર મોદીએ આજે ભારતમાં અફઘાનિસ્તાનના રાજદૂત ફરિદ મામુન્દઝાયના ટ્વીટ પર ટિપ્પણી કરી હતી.  પ્રધાનમંત્રીએ કહ્યું હતું કે, અફઘાનના રાજદૂતે બયાન કરેલો આ પ્રસંગ ભારત-અફઘાનિસ્તાનનાં સંબંધોની સુગંધ ફેલાવે છે. પ્રધાનમંત્રીએ અફઘાનના રાજદૂતને પંજાબના હરિપુરાની મુલાકાત લેવા કહ્યું હતું, જ્યાં તેમને આમંત્રણ મળ્યું હતું અને સાથે સાથે ગુજરાતના હરિપુરાની મુલાકાત લેવા પણ જણાવ્યું હતું, જેનો પોતાનો આગવો ઇતિહાસ છે.

PM modi farid mamundzay Twitter પ્રધાનમંત્રી મોદી ફરિદ મામુન્દઝાય ટ્વિટર યૂઝર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ