BIG NEWS / વિદેશ પ્રવાસનું શિડ્યૂલ: રશિયા-યુક્રેન વિવાદ વચ્ચે યુરોપના પ્રવાસે જશે PM મોદી, 3 દેશના વડા સાથે કરશે મુલાકાત

• પીએમ મોદીનું 2022નું શિડ્યૂલ આવી ગયું
• વિદેશ પ્રવાસે જશે પીએમ મોદી
• યુદ્ધ વચ્ચે યુરોપનો પ્રવાસ કરશે મોદી

પ્રધાનમંત્રી મોદીનો 2022માં થનારો વિદેશ પ્રવાસનું શિડ્યૂલ આવી ગયું છે. વિદેશ મંત્રાલયના જણાવ્યા અનુસાર, રશિયા-યુક્રેન યુદ્ધ વચ્ચે પીએમ મોદી બેથી ચાર મે દરમિયાન યુરોપ પ્રવાસ પર રહેશે. તેઓ જર્મની, ડેનમાર્ક અને ફ્રાંસનો પ્રવાસ કરશે આ દરમિયાન આ દેશોના રાષ્ટ્રાધ્યક્ષો સાથે પણ મુલાકાત કરશે. કહેવાય છે કે મોદી જર્મનીના ચાંસેલર ઓલાફ શોલ્ફ સાથે દ્વિપક્ષીય વાર્તા કરશે. આ ઉપરાંત તેઓ જર્મની અને ભારત વચ્ચે છઠ્ઠી આંતરસરકારી બેઠકમાં પણ ભાગ લેશે.

પીએમ મોદી ફ્રાંસના નવા રાષ્ટ્રપતિને શુભકામના આપવા જશે

પ્રધાનમંત્રી મોદી જર્મની બાદ ડેનમાર્કના પ્રધાનમંત્રી મૈટ ફ્રેડરિક્સનના નિમંત્રણ પર કોપેનહેગન જશે, જ્યાં તેઓ ઈંડિયા-નોર્ડિક સમિટમાં ભાગ લેશે. ચાર મેના રોજ ભારત પાછા આવતા પહેલા ફ્રાંસમાં હીજી વાર ચૂંટણી જીતીને રાષ્ટ્રપતિ બનેલા ઈમૈનુઅલ મૈક્રો સાથે મળશે. મૈક્રોની ચૂંટણી જીત બાદ મોદી તેમની સાથે મુલાકાત કરનારા પ્રથમ નેતા હશે.

યુરોપિય દેશો સાથે કરશે ચર્ચા

પીએમ મોદીનો આ યુરોપ પ્રવાસ તે હિસાબે પણ મહત્વનો છે કે, યુરોપ સતત ભારત પાસેથી રશિયા પરની પોતાની નિર્ભરતા ઓછી કરવા કહી રહ્યું છે. આ ઉપરાંત રશિયાના વિદેશ મંત્રી સર્ગેઈ લાવરોવ કહી ચુક્યા છે કે, જો રશિયા યુક્રેનને યુદ્ધ કરતા રોકવામાં ભારત મધ્યસ્થતા કરે છે, તો તેમને કોઈ વાંધો નથી. ત્યારે આવા સમયે પીએમ આ ત્રણેય દેશોને સંકટને હલ કરવા પર પણ ચર્ચા કરી શકે છે.