વડાપ્રધાન નરેન્દ્ર મોદી આજે રાજસ્થાનની મુલાકાતે છે. પીએમ મોદી ટોંક જિલ્લાથી ભાજપના ચૂંટણી પ્રચારના અભિયાનની શરૂઆત કરશે. રાજસ્થાનમાં યોજાનારી આ રેલીને પાર્ટીએ વિજય સંકલ્પ નામ આપ્યું છે.
ઉલ્લેખનીય છે કે રાજસ્થાનમાં કુલ 25 લોકસભા બેઠક છે. ભાજપ વધારેને વધારે બેઠક જીતવાની આશા રાખે છે. જો કે હાલમાં રાજસ્થાનમાં ભાજપના વિરોધી કોંગ્રેસની સરકાર છે.
વિધાનસભા ચૂંટણીમાં જ્યાં ભાજપને હારનો સામનો કરવો પડ્યો હતો અને ત્યાર બાદ યોજાયેલી પેટાચૂંટણી અજમેર અને અલવરમાં પાર્ટીની હાર થઇ હતી.
પીએમ મોદીની ટોંક જિલ્લામાં સભા છે ત્યારે આ વિસ્તાર રાજસ્થાનના ડે. સીએમ સચિન પાયલટનો રાજકીય વિસ્તાર માનવામાં આવે છે. અહીં ભાજપના ઉમેદવારને હરાવી સચિન પાયલટે જીત મેળવી હતી.
જ્યારે ગત વિધાનસભા ચૂંટણી દરમિયાન કોંગ્રેસના ચૂંટણી અભિયાનમાં પણ સચિન પાયલટની મહત્વની ભૂમિકા રહી હતી. સચિન પાયલટ કોંગ્રેસના કદાવર નેતા છે. એવા સમયે ભાજપ માટે પીએમ મોદીની આ રેલી ઘણી મહત્વપૂર્ણ માનવામાં આવી રહી છે. અહીં કોંગ્રેસનું વોટબેંક તોડવું ભાજપ માટે એક પડકાર છે.
ટોંક-સવાઇ માધોપુર લોકસભા વિસ્તારમાં આઠ વિધાનસભા ક્ષેત્ર આવે છે. ગંગાપુર, બામનવાસ, સવાઇ માધોપુર, ખંડાર, ટોંક, નિવાઇ, દેવલી અને માલપુરા.