આજે દિલ્લીમાં કેન્દ્રીય ભાજપની મહાબેઠક ભાજપ અધ્યક્ષ જે.પી.નડ્ડાની અધ્યક્ષતામાં યોજાશે. બેઠકમાં PM મોદી પણ હાજર રહે તેવી શકયતા છે.
આજે ભાજપની મહાબેઠક
જે.પી.નડ્ડાની અધ્યક્ષતામાં બેઠક
PM મોદી બેઠકમાં હાજર રહેશેઃ સૂત્ર
આ મુદ્દાઓ પર કરાશે બેઠકમાં ચર્ચા
આ બેઠકમાં ભાજપ સંગઠનના રાષ્ટ્રીય હોદ્દેદારો તથા તમામ રાજ્યોના પ્રદેશ અધ્યક્ષો હાજર રહેશે. આ બેઠકમાં આગામી વિધાનસભાની ચૂંટણીઓને મુદ્દે ચર્ચા કરવામાં આવશે. મહત્વપૂર્ણ છે કે ચાલુ વર્ષે 5 રાજ્યોમાં વિધાનસભાની ચૂંટણી યોજાવાની છે જે ભાજપ માટે ખુબ જ મહત્વની માનવામાં આવી રહી છે.
प्रधानमंत्री नरेंद्र मोदी आज भाजपा के राष्ट्रीय पदाधिकारियों की बैठक को संबोधित करेंगे। pic.twitter.com/6sJZICf0yz
તમામ રાજ્યોના પ્રદેશ અધ્યક્ષો બેઠકમાં હાજર રહેશે તેવું જાણવા મળી રહ્યું છે. બેઠકમાં આગામી વિધાનસભાની ચૂંટણીઓને લઇ અંગે પણ ચર્ચા કરાશે. પશ્વિમ બંગાળ, આસામ, તમિલનાડુ વિધાનસભાની ચૂંટણીઓ મુદ્દે ચર્ચા કરાશે તેવું સૂત્રો દ્વારા જાણવા મળી રહ્યું છે. ચાલુ વર્ષે 5 રાજ્યોમાં વિધાનસભાની ચૂંટણી યોજાશે.
આજે સવારે 10 વાગે શરૂ કરાશે બેઠક
ભાજપના પ્રવક્તા અનિલ બલૂનીએ કહ્યું કે રાષ્ટ્રીય પદાધિકારીઓની બેઠક રવિવારે સવારે 10 વાગ્યાથી સાંજે 5 વાગ્યા સુધી દિલ્હીના એનડીએમસી કન્વેન્શન સેન્ટરમાં થશે. તેઓએ કહ્યું કે આ બેઠકની શુભારંભ પીએમ મોદી કરશે. રવિવારે બેઠકમાં રાજ્યોના અધ્યક્ષ સિવાય પ્રદેશ પ્રભારી અને સહ પ્રભારી, પ્રદેશ મહામંત્રી પણ ભાગ લેશે.
3 મહિનાથી ચાલી રહ્યું છે ખેડૂત આંદોલન
આ બેઠક એવા સમયે થઈ રહી છે જ્યારે 3 કૃષિ કાયદાના વિરોધણાં પંજાબ, હરિયાણા અને પશ્ચિમી ઉત્તર પ્રદેશના ખેડૂતો રાજધાની દિલ્હીની સીમાઓ પર 3 મહિનાથી આંદોલન કરી રહ્યા છે. આંદોલન કરી રહેલા ખેડૂતો પોતાના આંદોલનને દેશવ્યાપી બનાવવાની કોશિશમાં છે અને સતત પીએમ મોદી પર પ્રહાર કરતા રહે છે. પ. બંગાળ, આસામ અને તમિલનાડુના 5 રાજ્યોમાં આ વર્ષે વિધાનસભા ચૂંટણી થનારી છે. બેઠકમાં ચૂંટણીની તૈયારીઓને લઈને ચર્ચા સંભવ છે. નડ્ડાએ અધ્યક્ષનો કાર્યભાર સંભાળ્યા બાદ ગયા વર્ષે પોતાની નવી ટીમ બનાવી હતી.