પીએમ મોદીએ અમેરિકાના નવા રાષ્ટ્રપતિ જો બાયડનને ફોન કરી અભિનંદન પાઠવ્યા. પીએમ મોદીએ પોતે આ જાણકારી ટ્વીટ કરી જણાવી હતી. મંગળવારે મોડી રાતે 2 ટ્વીટ કરી નરેન્દ્ર મોદીએ જણાવ્યું તે તેમણે નવા પસંદગી પામેલા ઉપરાષ્ટ્રપતિ કમલા હેરિસને પણ અભિનંદન પાઠવ્યા છે.
મોદીએ રાષ્ટ્રપતિ જો બાયડનને ફોન પર અભિનંદન પાઠવ્યા
મોદીએ ઉપરાષ્ટ્રપતિ કમલા હેરિસને પણ હાર્દિક શુભકામનાઓ પાઠવી
પીએમ મોદીએ પોતે આ જાણકારી ટ્વીટ કરી જણાવી હતી
નરેન્દ્ર મોદીએ ટ્વીટ કરી કહ્યું કે અમેરિકાના નવા પસંદગી પામેલા રાષ્ટ્રપતિ જો બાયડનને ફોન પર અભિનંદન પાઠવ્યા છે. અમે ભારત- અમેરિકાની વચ્ચેની રણનીતિ ભાગેદારીને લઈને દ્રઢ પ્રતિબદ્ધતા વાગોળી હતી. આ ઉપરાંત કોરોના મહામારી, ક્લાઈમેટ ચેન્જ અને ઈન્ડો પેસિફિક ક્ષેત્ર જેવા ભાગીદારીની પ્રાથમિક્તાઓ અને ચિંતાઓ પર પણ ચર્ચા કરી.
Spoke to US President-elect @JoeBiden on phone to congratulate him. We reiterated our firm commitment to the Indo-US strategic partnership and discussed our shared priorities and concerns - Covid-19 pandemic, climate change, and cooperation in the Indo-Pacific Region.
કમલા હેરિસની ઉપલબ્ધિઓનો ઉલ્લેખ કરતા મોદીએ બીજી ટ્વીટ કરી, મે નવા નિયુક્તિ પામેલા ઉપરાષ્ટ્રપતિ કમલા હેરિસને પણ હાર્દિક શુભકામનાઓ પાઠવી છે. તેમની સફળતા જીવંત ભારતીય અમેરિકન સમુદાયોના સભ્યો માટે બહુ ગર્વ અને પ્રેરણાનો વિષય છે. જે ભારત- અમેરિકાના સંબંધો માટે એક જબરજસ્ત સ્ત્રોત છે.
I also conveyed warm congratulations for VP-elect @KamalaHarris. Her success is a matter of great pride and inspiration for members of the vibrant Indian-American community, who are a tremendous source of strength for Indo-US relations.
3 નવેમ્બરે થયેલા અમેરિકન રાષ્ટ્રપતિની ચૂંટણીમાં જો બાયડનને 306 વોટ થાય જીત મેળવી હતી. જ્યારે ડોનાલ્ડ ટ્રમ્પે 232 વોટ મળ્યા હતા. જોકે ટ્રમ્પ પોતાની હાર સ્વીકારવા તૈયાર નથી. તેઓ રટણ કરી રહ્યા છે કે આ ચૂંટણી તેઓ જીત્યા છે. ટ્રમ્પએ પેનસિલ્વેનિયા, નેવાદા, મિશિગન, જોર્જિયા અને એરિજોના સહિત અનેક રાજ્યોમાં ચૂંટણીના પરિણામોને પડકાર ફેંક્યો છે. તેમણે વિસ્કોન્સિનમાં ફરી ગણતરીની માંગ કરી છે. જો કે તેમણે કરેલા ગડબડીના આક્ષેપને સમર્થન આપતા કોઈ પુરાવા મળ્યા નથી.