સૂચના / કોરોના સંકટમાંથી બહાર આવવા PM મોદીએ આપી આ 'લૉકલ' ફોર્મ્યુલા

• ઇકોનૉમી માટે 20 લાખ કરોડના સુપર પેકેજની જાહેરાત 
• સંકટે આપણને શીખવાડ્યું કે લોકલ વધારવનું છે- પીએમ 
• લોકલ વ્યવસાય અને આત્મનિર્ભરતા પર પીએમ મોદીનું જોર 

પ્રધાનમંત્રી નરેન્દ્ર મોદીએ દેશવાસીઓને સંબોધિત કરતા કહ્યું કે સંકટના સમયે લોકલે જ આપણને બચાવ્યા છે, આપણી જરૂરીયાતો પૂરી કરી છે. પીએમએ કહ્યું કે લોકલ ખરીદી કરો સાથે સાથે લોકલનો પ્રચાર કરો, લોકલ માટે વોકલ બનો. 

પ્રધાનમંત્રી નરેન્દ્ર મોદીએ કહ્યું કે જે મોટી બ્રાન્ડને આજે તમે જાણો છો એ ક્યારેક લોકલ જ હતી, પરંતુ જ્યારે ત્યાં લોકોએ એની પર ગર્વ કરવાનું શરૂ કર્યું તો આ લોકલથી ગ્લોબલ બની ગયું. એટલા માટે આજથી દરેક ભારતવાસીને પોતાના લોકલ માટે વોકલ બનવાનું છે, લોકલ પ્રોડક્ટ ખરીદવાની છે સાથે સાથે એનો ગર્વથી પ્રચાર કરવાનો છે. મને વિશ્વાસ છે કે આપણો દેશ આવું કરી શકે છે. 

પ્રધાનમંત્રી નરેન્દ્ર મોદીએ પોતાના સંબોધનમાં 20 લાખ કરોડની ભારે ભરખમ આર્થિક પેકેજની જાહેરાત કરી. પીએમએ કહ્યું કે આ આર્થિક પેકેજ આત્મનિર્ભર ભારત અભિયાન માટે મહત્વની કડી તરીકે કામ કરશે. આ ભારતની જીડીપીના લગભગ 10 ટકા છે. એના દ્વારા દેશના વિભિન્ન વર્ગોની મજબૂતી મળશે. 

પીએમએ કહ્યું કે આ પેકેજમાં લેન્ડ, લેબર, લિક્વિડિટી અને લૉ તમામ પર બળ આપવામાં આવ્યું છે. આ પેકેજ લઘુ, કુટીર, એમએસએમઇ માટે છે, જે કરોડો લોકો માટે આજીવિકાનું સાધન છે. આ પેકેજ એ શ્રમિક માટે છે જે દરેક સ્થિતિ, દરેક સિઝનમાં દેશવાસીઓ માટે પરિશ્રમ કરે છે. આ પેકેજ આપણા દેશના મધ્યમ વર્ગ માટે છે જે ઇમાનદારીથી ટેક્સ આપે છે, આ પેકેજ દેશના મધ્યમ વર્ગ માટે છે જે ઇમાનદારીથી ટેક્સ આપે છે. 

નાણામંત્રી નિર્મલા સીતારમણ કાલથી આ પેકેજ માટે વિસ્તૃત જાણકારી આપશે. અમે બોલ્ડ રિફૉર્મ્સ કરીશું. પહેલા થયેલા રિફૉર્મ્સના કારણે આપણી અર્થવ્યવસ્થા સંકટના સમયે પણ અધિક સક્ષમ છે. 

આ પેકેજથી આપણા સેક્ટરની ક્ષમતા વધશે અને ક્વૉલિી પણ સુનિશ્ચિત હશે. આ સંકટ એટલું મોટું છે કે મોટામાં મોટી અર્થવ્યવસ્થા હચમચી ગઇ. પરંતુ આ સંકટના સમયે આપણા દેશે ગરીબોની સહનશીલતાના દર્શન કર્યા. હવે એમને મજબૂત કરવાનો સમય છે. આર્થિક પેકેજમાં એમના માટે મહત્વપૂર્ણ નિર્ણયોની જાહેરાત કરવામાં આવશે.