દિલ્હી / ઈન્ડિયા મોબાઈલ કોંગ્રેસનું ઉદ્ઘાટન, PM મોદીએ 5Gને લઈને આપ્યું મોટું નિવેદન

• ઈન્ડિયા મોબાઈલ કોંગ્રેસનું ઉદ્ઘાટન,
• PM મોદીએ કહ્યું-મોબાઇલ રેટ ભારતમાં સૌથી ઓછા
• મારો દેશ સૌથી ઝડપથી વિકસિત એપ્લિકેશન માર્કેટ બની રહ્યો છે

દેશ-વિદેશના ઉદ્યોગપતિઓ અને રોકાણકારોને સંબોધતા વડા પ્રધાને કહ્યું કે ભારતમાં આજે એક અબજ કરતા વધારે મોબાઇલ ફોન ઉપયોગકર્તા છે અને ભારત આ ક્ષેત્રમાં વિશ્વનું સૌથી મોટું કેન્દ્ર બની રહ્યું છે. વડા પ્રધાન નરેન્દ્ર મોદીએ ઈન્ડિયા મોબાઇલ કોંગ્રેસમાં કહ્યું, મોબાઇલ રેટ ભારતમાં સૌથી ઓછા છે. અમારો દેશ સૌથી ઝડપથી વિકસિત એપ્લિકેશન માર્કેટ બની રહ્યો છે.

મોબાઈલ મેન્યુફેક્ચરિંગ માટે ભારત પસંદગીનું સ્થળ છે

પ્રધાનમંત્રીએ એમ પણ કહ્યું હતું કે, મોબાઈલ મેન્યુફેક્ચરિંગ ક્ષેત્રે ભારત સૌથી વધુ પસંદગીનું સ્થાન બની રહ્યું છે. તેમણે કહ્યું કે દેશના તમામ ગામોને ત્રણ વર્ષમાં હાઇ સ્પીડ ફાઇબર ઓપ્ટિક ડેટા કનેક્ટિવિટી સાથે જોડવામાં આવશે. મોદીએ કહ્યું કે, ટેલિકોમ ક્ષેત્રે વિશ્વને બતાવ્યું છે કે જીવનને સુધારવા માટે ટેક્નોલોજીનો કેવી રીતે ઉપયોગ કરી શકાય છે.

5Gને લઈને આપ્યું મોટું નિવેદન 

પ્રધાનમંત્રી મોદીએ ત્રણ દિવસીય ઇન્ડિયા મોબાઇલ કોંગ્રેસના ઉદ્ઘાટનમાં ભારતમાં 5Gને લઈને આપ્યું મોટું નિવેદન આપ્યું હતું. તેમણે કહ્યું કે, ભવિષ્યમાં મોટી છલાંગ લગાવવા અને લાખો ભારતીયોને સશક્ત બનાવવા માટે 5G પર સાથે મળીને કામ કરવું જોઇએ. 

ડિજીટલ ટૅકનીકથી પારદર્શિતાને પ્રોત્સાહન મળ્યું છે 

તેમણે વધુમાં કહ્યું હતું કે, ડિજીટલ ટૅકનીકના વધી રહેલા ઉપયોથી જીવન સાથે જોડાયેલા વિવિધ પ્રકારના કામમાં પારદર્શિતાને પ્રોત્સાહન પ્રાપ્ત થશે. આ કોંગ્રેસમાં વિદેશના સેંકડો રોકાણકારો અને ઉદ્યોગપતિઓ ભાગ લઈ રહ્યા છે. તેને દક્ષિણ એશિયાની સૌથી મોટી ટેલિકોમ સેવા અને ઉદ્યોગ પરિષદ તરીકે ઓળખવામાં આવી રહી છે. તે ટેલિકમ્યુનિકેશન્સ વિભાગના સહયોગથી મોબાઇલ ટેલિકોમ સર્વિસ પ્રોવાઇડર્સનું એક પ્લેટફોર્મ, સીએએઆઈ દ્વારા આયોજન કરવામાં આવ્યું છે.