VIRAL / નાની બાળકીનો દેશને સુંદર સંદેશ, PM મોદી પણ થઈ ગયા આફરિન અને શૅર કરી તસ્વીર

• પીએમ મોદીએ એક નાની બાળકીની ફોટો શૅર કર્યો છે, આ ફોટોમાં લૉકડાઉનને લઇને ઇમોશનલ મેસેજ લખ્યો છે.
• પીએમ મોદીએ આ ફોટો શૅર કરતા લખ્યુ કે, રસપ્રદ અને અર્થ પણ ઘણો ઉંડો 
• આ તખ્તી પર લખ્યુ છે કે, જો હું માતાના ગર્ભમાં 9 મહિના રહી શકું છું તો તમે ભારત માતા માટે 21 દિવસ ના રહી શકો ?

આ ફોટોમાં એક નાની બાળકીએ તખ્તી પકડી છે જેના પર લખ્યુ છે કે, ''જો હું માતાના ગર્ભમાં 9 મહિના રહી શકું છું તો તમે ભારત માતા માટે 21 દિવસ ના રહી શકો ?'' તમને જણાવી દઇએ કે, પીએમ મોદીએ 21 દિવસના લોકડાઉનની જાહેરાત કરી હતી અને તમામને આગ્રહ કર્યો હતો કે સૌ કોઇ 21 દિવસો માટે પોતાના ઘરની બહાર ના નીકળે.

दिलचस्प और भाव भी बहुत गहरा। pic.twitter.com/JhghaNaO8O

— Narendra Modi (@narendramodi) March 29, 2020

આ પહેલી પીપૂષ ગોયલે પણ ફોટો શૅર કર્યો હતો 

જે ફોટોને પીએમ મોદીએ આજે શૅર કર્યો છે, આ ફોટાના થોડા દિવસો પહેલા પીયૂષ ગોયલે પણ શૅર કર્યો હતો. જેણે શૅર કરીને લખ્યુ હતુ કે. આ એક નાનકડી બાળકીની ઇચ્છા છે, ''21 દિવસ સુધી ઘરમાં રહો. સ્વંય સુરક્ષિત રહો, દેશને સુરક્ષિત રાખો.''

एक नन्ही बेटी की पुकार है, बस 21 दिन 🏠 मे रहें।

स्वयं सुरक्षित रहें, देश को सुरक्षित रखें। pic.twitter.com/oIqdCIUqMi

— Piyush Goyal (@PiyushGoyal) March 27, 2020

આ પહેલા પીએમ મોદીએ લોકડાઉનની જાહેરાત કરતા દિવસે એટલે કે 24 માર્ચના દિવસે ઘરમાં રહેવાની અપીલ કરતા એક તખ્તી બતાવી હતી. આ તખ્તી પર કોરોનાનો મતલબ લખ્યો હતો. કો થી કોઇ, રો થી રોડ પર ના થી ના નીકળે. પીએ જણાવ્યુ કે, આ મતલબ મને સોશ્યલ મીડિયા પરથી મળ્યો હતો.

ઉલ્લેખનીય છે કે, સમગ્ર દેશને સતર્ક કરવા માટે 24 માર્ચના રાત્રે 8 વાગ્યે દેશવ્યાપી સંબોધન કરતાં કહ્યું હતું કે સોશિયલ ડિસ્ટન્સિંગ એ જ આ મહામારીને નાથવાનો એકમાત્ર ઉપાય છે. તેમણે સમગ્ર દેશમાં વધુ 3 અઠવાડિયાના લોકડાઉનની જાહેરાત કરીને દેશવાસીઓને તેનું ચુસ્તપણે પાલન કરવા અપીલ કરી હતી. વર્તમાન સમયમાં વિકરાળ બની રહેલી સ્થિતિને ધ્યાનમાં રાખી દેશમાં આજે મધ્યરાત્રીથી ઓછામાં ઓછા 21 દિવસના લોકડાઉનની જાહેરાત કરી છે.