આનંદો / દેશના 9.75 કરોડ ખેડૂતોના ખાતામાં મોદી સરકારે મોકલ્યા રૂ.2000, તમારું નામ છે કે નહીં આ રીતે કરો ચૅક

• મોદી સરકારની ખેડૂતોને મોટી ભેટ
• 9.75 કરોડ ખેડૂતોના બેંક ખાતામાં જમા થયાં 19,500 કરોડ
• ખેડૂતોના પરિવારજનોને સરકારે કરી આર્થિક મદદ

પ્રધાનમંત્રી કિસાન સન્માન નિધિ યોજનાએ મોદી સરકારની મહત્વની યોજના છે. જે હેઠળ ખેડૂતોના પરિવારજનોને આર્થિક રીતે મદદ કરવામાં આવે છે. આજે પ્રધાનમંત્રી નરેન્દ્ર મોદીએ દેશના 9.75 કરોડ ખેડૂતોના બેંક ખાતામાં 19,500 કરોડ જેવી માતબર રકમની ફાળવણી કરી હતી. 

શું છે સમગ્ર યોજના? 

પીએમ કિસાન સમ્માન નિધિ યોજનામાં લાભાર્થી ખેડૂતને વર્ષે 6000 રૂપિયા 2000ના હપ્તામાં મળે છે. આ યોજનામાં દરેક હપ્તામાં એક ખેડૂતને 2000 રૂપિયાની રકમ ખાતામાં મળે છે. મોદી સરકાર માને છે કે આ યોજનાથી ખેડૂત પરિવારો પોતાની જરૂરિયાતો પૂરી કરવામાં મદદ મેળવી શકે છે. ખેડૂતો પણ મોદી સરકારની આ યોજનાથી ખુશ જોવા મળે છે.  મોદી સરકારની આ યોજનાનો 1 ડિસેમ્બર 2018માં પ્રારંભ થયો હતો. હાલ દેશના 10.82 ખેડૂત પરિવારો આ યોજનાનો લાભ લઈ રહ્યા છે. 

ખેડૂતના નામે જમીન હોવું જરૂરી

નિયમ અનુસાર આ યોજનાનો લાભ લેવા માટે જમીન ખેડૂતના નામે હોય તે જરૂરી છે. એટલું નહીં ખેડૂતના દાદા કે પિતાના નામે જમીન છે તો પણ તે આ યોજનાનો લાભ લઈ શકશે નહીં. ફક્ત એ ખેડૂતોને આ લાભ મળશે જેના પોતાના નામ પર 2 હેક્ટર કે તેનાથી ઓછી જમીન હશે. 

આ રીતે કરી શકાય છે એપ્લાય

પીએમ કિસાન સમ્માન નિધિનો લાભ લેવા માટે પહેલા ખેડૂતે ઓનલાઈન પોર્ટલ pmkisan.gov.in પર રજિસ્ટ્રેશન કરવાનું રહે છે. આ સાઈટ તમને ફાર્મર્સ કોર્નરના ઓપ્શનમાં દેખાશે. અહીં જઈને તમે ન્યૂ ફાર્મર રજિસ્ટ્રેશન પર ક્લિક કરો. અહીં તમારા આધાર નંબર, કેપ્ચા ભરવાનું કહેવાશે. આ પછી એક ફોર્મ ઓપન થશે જેમાં તમારી ડિટેલ માંગવામાં આવશે. બેંક એકાઉન્ટની ડિટેલ્સ પણ આપવાની રહેશે. આ સેવ કર્યા બાદ એક નવું પેજ ખુલશે અને તેમાં જમીનની જાણકારી રવાની રહેશે. તેમાં ખસરા નંબર અને ખાતા નંબર લખવાનો રહે છે. આ પછી રજિસ્ટ્રેશનની પ્રક્રિયા પૂરી થશે. 

આ રીતે લિસ્ટમાં ચેક કરી લો તમારું નામ

• સૌ પહેલા તો તમે પીએમ કિસાન યોજનાની અધિકૃત સાઈટ પર  https://pmkisan.gov.in  પર જાઓ. 
• અહીં હોમ પેજ પર તમને   Farmers Cornerનો ઓપ્શન દેખાશે. 
• અહીં તમે  Farmers Corner સેક્શનમાં  Beneficiaries List પર ક્લિક કરો.
• હવે ડ્રોપ ડાઉન લિસ્ટથી રાજ્ય, જિલ્લા અને ઉપજિલ્લા સાથે બ્લોક અને ગામની વિગતો ભરે. 
• આ પછી  Get Report  પર ક્લિક કરો. આ પછી લાભાર્થીનું લિસ્ટ સામે આવશે. તેમાં તમારું નામ ચેક કરી શકો છો.