IPLIN
 

Howdy Modi / PM મોદીની હ્યુસ્ટનમાં ઉદ્યોગ જગત સાથેની બેઠકમાં પ્રાકૃતિક ગેસ માટે ભારત -અમેરિકા વચ્ચે થયો કરાર

Team VTV 07:29 AM, 22 Sep 19 | Updated: 12:38 PM, 22 Sep 19
Follow us
PM Narendra Modi reached houston america, know about the deals

પીએમ મોદી રવિવારે વહેલી સવારે અમેરિકાના હ્યુસ્ટન પહોંચ્યા. અહીં જ્યોર્જ બુશ ઈન્ટરનેશનલ એરપોર્ટ પર ભારતીય સમુદાયના લોકોની સાથે પીએમ મોદીના સ્વાગત માટે પહોંચ્યા હતા.સવારથી જ નક્કી કાર્યક્રમ પ્રમાણે પીએમ મોદીએ બેઠકો શરૂ કરી દીધી છે. જેમાં કેટલીક ખાસ વાતોને મહત્વ આપવામાં આવ્યું.

  • હાઉડી મોદીની રેલીમાં 200થી વધુ કારની સંખ્યા
  • હ્યુસ્ટનમાં કાઢવામાં આવી મોટી રેલી
  • 50,000થી વધારે ભારતીયો સાથે ટ્રંપ આપશે મોદીનો સાથ
     

પીએમની એલએનજી સાથેની બેઠક, એમઓયૂ પર કર્યા હસ્તાક્ષર

પીએમ મોદીએ વહેલી સવારે ટેક્સાસના ડ્રિફ્ટવુડમાં ટેલયૂરિયન અને પેટ્રોનેટ કંપની સાથે ઈક્વિટી રોકાણના માધ્યમથી તરલીકૃત પ્રાકૃતિક ગેસ (એલએનજી)ને માટે 50 લાખ ટન (5 મિલિયન ટન)સુધીના ઉત્પાદનનો પ્રસ્તાવ રાખ્યો અને તે માટેના એમઓયૂ પર હસ્તાક્ષર પણ કર્યા. ટેલ્યૂરિયન અને પેટ્રોનેટે 31 માર્ચ 2020 સુધી આ કરારને અંતિમ રૂપ આપવાનું લક્ષ્ય રાખ્યું છે. 

ઉર્જા અને ઉદ્યોગ ક્ષેત્ર સાથે પીએમ મોદીની મિટીંગ

પીએમ મોદીએ સવારે જ નક્કી સમય પ્રમાણે સવારમાં 6.20ની આસપાસ ઉર્જા અને ઉદ્યોગ ક્ષેત્રના અધિકારીઓ સાથે રાઉન્ડ ટેબલ મિટીંગ કરી. પીએમ મોદી શનિવારે જર્મનીના ફ્રેંકફર્ટ શહેરમાં 2 કલાક રોકાયા અને અમેરિકાના હ્યુસ્ટન પહોંચ્યા. અહીં જ્યોર્જ બુશ ઈન્ટરનેશનલ એરપોર્ટ પર ભારતીય સમુદાયના લોકોની સાથે પીએમ મોદીના સ્વાગત માટે પહોંચ્યા હતા. 

હ્યુસ્ટન પહોંચતા પીએમ મોદીએ કરી ટ્વિટ

પીએમ મોદીએ ટ્વિટમાં કહ્યું કે આવનારા 2 દિવસમાં અનેક કાર્યક્રમો થશે અને તેના માટે ગતિશીલ અને ઉર્જાવાન શહેર તૈયાર છે. હ્યુસ્ટનમાં ભારતીય સમયાનુસાર 4.30થી કાર્યક્રમો શરૂ થઈ ચૂક્યા છે. હાઉડી મોદીને લઈને લોકો ઉત્સાહિત છે.

હ્યુસ્ટનમાં કંઈક આવી રીતે થયું પીએમ મોદીનું સ્વાગત

પીએમ મોદીના કાર્યક્રમને લઈને લઈને અમેરિકાના હ્યૂસ્ટનમાં મેગા કાર્યક્રમ હાઉડી મોદીની તૈયારીઓ પૂર્ણ થઈ ચૂકી છે. લગભગ 50,000 લોકોની સાથે એનઆરજી ફૂટબોલ સ્ટેડિયમમાં પીએમ મોદીના સ્વાગતની તૈયારીઓ થઈ ચૂકી છે, તો અન્ય તરફ રાષ્ટ્રપતિ ટ્રંપ અને અન્ય મોટા નેતાઓ હાઉડી મોદીના રંગમાં રંગાયા છે. આ મેગા ઈવેન્ટની તૈયારી માટે હ્યુસ્ટન શહેરની સડકો મોદીના સ્વાગત માટેના પોસ્ટર્સ અને બેનર્સ સાથે તૈયાર છે. હ્યુસ્ટનમાં કાઢવામાં આવેલી રેલીમાં 200થી વધુ કારને રાખવામાં આવી હતી. નમો અગેનના નારા સાથે પીએમ મોદીનું સ્વાગત કરાયું હતું. 

રાષ્ટ્રપતિ ટ્રંપ કરી શકે છે મોટી જાહેરાત

રવિવારે હાઉડી મોદી મેગા શોના 3 કલાકમાં શક્ય છે કે રાષ્ટ્રપતિ ટ્રંપ મોટી જાહેરાત કરે. આ ઐતિહાસિક કાર્યક્રમમાં પીએમ મોદી પણ હાજર રહેશે. કાર્યક્રમમાં બંને દેશોના નાગરિકોની ઉદ્યમશીલતા, મહેનત અને ભારત -અમેરિકાની રાજનીતિક સમજદારી, વૈશ્વિક શાંતિ અને સમૃદ્ધિ માટે પ્રતિબદ્ધતા રાખવામાં આવશે.
 

Howdy Modi America Meetings PM modi હ્યુસ્ટન અમેરિકા હાઉડી મોદી એમઓયૂ houston
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ