ટાઈમ્સના સૌથી પ્રભાવશાળી વ્યક્તિની યાદીમાં PM મોદીને સ્થાન

ન્યૂયોર્ક: અમેરિકાના ટાઈમ મેગેઝિનમાં ફરી એકવાર પ્રધાનમંત્રી નરેદ્ર મોદી ચમકી શકે છે. મેગેઝિનની 100 સૌથી પ્રભાવશાળી વ્યક્તિઓના ફાઈનલ લિસ્ટમાં પીએમ મોદીને ફરી એકવાર સ્થાન મળી શકે છે. 

આ લિસ્ટમાં માઈક્રોસોફ્ટના ભારતીય મૂળના CEO સત્યા નડેલાને પણ સ્થાન મળી શકે છે. તો અમેરિકી રાષ્ટ્રપતિ ડોનાલ્ડ ટ્રમ્પ રશિયાના રાષ્ટ્રપતિ વ્લાદિમીર પુતિન અને ચીનના રાષ્ટ્રપતિ શી જિનપિંગનું નામ પણ પસંદ કરવામાં આવ્યું છે. ટાઈમ મેગેઝિનનું ફાઈનલ લિસ્ટ આગામી મહિને જાહેર થશે.

નોંધનીય છે કે આ પૂર્વે પીએમ મોદીને 2015માં ટાઈમ મેગેઝિનમાં સ્થાન મળ્યું હતું. આ લિસ્ટમાં એ લોકોને સામેલ કરવામાં આવે છે જે વર્તમાન મુદ્દાઓને લઈને દુનિયા પર અસર કરી રહ્યા હોય. ટાઈમના આ વાર્ષિક લિસ્ટને એક દશકાથી પણ વધુ સમયથી જાહેર કરવામાં આવી રહ્યું છે. જેમાં પોતાના ક્ષેત્રમાં કામ કરનારા નેતાઓ કલાકારો વૈજ્ઞાનિકો અને કારોબારીઓ તેમજ કાર્યકર્તાઓને સામેલ કરવામાં આવે છે.