લોકસભાની ચૂંટણીમાં પ્રચંડ બહુમતિ મેળવ્યા બાદ નરેન્દ્ર મોદી આજરોજ બીજી વખત વડાપ્રધાન પદના શપથ લેશે. શપથ ગ્રહણ સમારોહની બધી તૈયારીઓ પૂરી થઇ ગઇ છે. કેમ કે પીએમ મોદી કપડાને લઇને ઘણા ગંભીર હોય છે, જેને લઇને લોકોમાં આ જાણવાની ઘણી ઉત્સુકતા હોય છે કે નરેન્દ્ર મોદી કાર્યક્રમમાં કેવો સ્પેશિયલ ડ્રેસ પહેરશે?
2014માં ભાજપની જીત બાદ જ્યારે નરેન્દ્ર મોદી શપથ ગ્રહણમાં પહોંચ્યાં ત્યારે મોસમનો મિજાજ ક્યાંક આવો હતો. જેને લઇને શક્યતા છે કે પીએમ મોદી આજે યોજાનારા બીજા શપથ ગ્રહણ સમારોહમાં પણ ગત વખત જેવું જ પહેરશે.
ગત શપથવિધિમાં કેવો હતો પહેરવેશ?
2014ના શપથગ્રહણ સમારોહમાં નરેન્દ્ર મોદીએ ક્રીમ કલરનો કુર્તો અને ચૂડીદાર પાયજામો પહેર્યો હતો. કુર્તા ઉપર પીએમ મોદીએ ગોલ્ડન કલરની હાફ સ્લીવ્સ જેકેટ પહેરી હતી, જે પીએમ મોદી પર ઘણી સરસ લાગી રહી હતી. નરેન્દ્ર મોદીએ પોતાના ડ્રેસને કાળા કલરના શૂઝ સાથે ટીમઅપ(મેચ) કર્યા હતા.
લોકોના હૃદય સુધી પહોંચવામાં એક્સપર્ટ
દેશના અલગ-અલગ રાજ્યોમાં રહેનારા લોકોના હૃદય સુધી પહોંચવામાં પણ પીએમ મોદી એક્સપર્ટ છે. પીએમ મોદી અલગ-અલગ રાજ્યોની જનસભાને સંબોધન કરતા સમયે સાંસ્કૃતિક પહેરવેશ સાથે નજરે પડે છે.
પીએમ નરેન્દ્ર મોદી આમ તો કુર્તા-પાયજામામાં પોતાને આરામદાયક અનુભવતાં હોય છે. પરંતુ જો કે ઘણી વખત વિદેશ પ્રવાસમાં તેઓ સ્પેશિયલ શૂટ પણ પહેરે છે. ઉલ્લેખનીય છે કે અમેરિકાના પૂર્વ રાષ્ટ્રપતિ બરાક ઓબામા સાથેની મુલાકાત સમયે નરેન્દ્ર મોદી પ્રિન્ટે સૂટ ઘણો વાયરલ થયો હતો.