જીતવાની મજા ત્યારે આવે છે જ્યારે તમે હારવાની આશા રાખે છે ફિલ્મ PM નરેન્દ્ર મોદીનો આ ડાયલૉગ ફિલ્મની આખી વાર્તા કહી દે છે.
બે મહિનાથી પણ ઓછા સમયમાં તૈયાર થયેલી આ ફિલ્મ આમ તો 11 એપ્રિલના રિલીઝ થવાની હતી પણ વિપક્ષી પાર્ટીઓને વિરોધને કારણે ચૂંટણીપંચે આચારસંહિતા દરમિયાન તેની રિલીઝ પર રોક લગાવી દીધી હતી.આખરે હવે આ ફિલ્મ રિલીઝ થઈ રહી છે. લોકસભા ચૂંટણીમાં 23 મેના રોજ મોદીની બમ્પર જીત થઇ, પણ આ ફિલ્મના નિર્માતાઓએ પહેલાથી જ પોતાની ફિલ્મોનો પોસ્ટર પર નરેન્દ્ર મોદીની વાપસીની ભવિષ્યવાણી કરી દીધી હતી.
સ્ટોરી:
નરેન્દ્ર મોદીના બાળપણથી લઈને વડાપ્રધાન બનવા સુધીની વાર્તા કહેતી આ ફિલ્મની શરૂઆત 2013ની ભાજપની બેઠકથી થાય છે. જેમાં નરેન્દ્ર મોદી (વિવેક ઓબેરૉય)ને વડાપ્રધાનના ઉમેદવાર જાહેર કરવામાં આવે છે. ત્યારપછી ફ્લેશબેકમાં ચાલી જાય છે. જ્યારે મોદી રેલ્વે સ્ટેશન પર ચા વેચતા હતા. મોદીના પિતા ચાની દુકાન ચલાવતા હતા અને માતા ઘરમાં વાસણ માંજતા હતા. થોડા મોટા થયા પછી નરેન્દ્રએ પોતાના ઘરવાળાઓ પાસે સંન્યાસની પરવાનગી માગી અને ઘરવાળાએએ તેમને લગ્નમાં બંધનમાં જોડવાનું વિચાર્યુ પણ નરેન્દ્ર લગ્ન પહેલા જ ઘર છોડી દીધુ. હિમાલયના પર્વતોમાં પોતાના જીવનનો ઉદ્દેશ્ય શોધવા માટે નરેન્દ્રએ RSS વર્કર તરીકે ગુજરાતના વાપસી કરી અને પાછી પાછા વળીને ક્યારેય ન જોયુ.
રિવ્યૂ:
મોદીએ કેવી રીતે ગુજરાતના મુખ્યમંત્રીથી લઈને ભારતના વડાપ્રધાનની ખુરશી મેળવી? આ જાણવા માટે તમારે થિયેટર્સમાં જવુ પડશે. ખાસ કરીને ફિલ્મમાં મોદી સાથે જોડાયેલા ચા વેચવાવાળો, લગ્ન, ગુજરાતના રમખાણ અને તેમની જિંદગી સાથે જોડાયેલા તમામ અન્ય સવાલોના જવાબ આપવાના પ્રયત્ન કરાયા છે. બીજી તરફ ફિલ્મ મોદીની જિંદગીના ઘણા અજાણ્યા પાસાઓથી પણ રૂબરૂ કરાવે છે. ફિલ્મને સત્યઘટના પરથી પ્રેરિત કરવામાં આવી છે, પણ વિવાદોથી બચવા માટે શરૂઆતથી ડિસ્ક્લેમ્બર આપવામાં આવ્યુ છે.
ડિરેક્શન અને સ્ક્રીનપ્લે:
ફિલ્મની વાર્તા તેના ક્રિએટિવ પ્રોડ્યુસર સંદીપ સિંહે લખી છે. તેના ડાયલૉગ્સ અને સ્ક્રીનપ્લેમાં વિવેક ઑબરોયને પણ ક્રેડિટ મળી છે, સવા 2 કલાકની આ સ્ટોરીમાં મોદીના ચિતપરિચિત અંદાજને સમેટવામાં આવ્યો છે. ફર્સ્ટ હાફમાં ફિલ્મની વાર્તા મોદીના બાળપણથી ગુજરાતના કોમી રમખાણો સુધી જાય છે, તો સેકન્ડ હાફમાં તેમના ભારતના પ્રધાનમંત્રી બનવાની સફર દેખાડવામાં આવી છે. ફિલ્મમાં કેટલાક ડોક્યુમેન્ટ્રી સીન્સને છોડી દેવામાં આવે તો સમગ્ર ફિલ્મ તમને બાંધીને રાખે છે. ‘મેરી કૉમ’ અને ‘સરબજીત’ જેવી બાયોપિક ફિલ્મો બનાવી ચૂકેલા ઉમંગ કુમારે આ બાયોપિક બનાવી છે.
એક્ટિંગ:
બીજી તરફ ફિલ્મમાં વિવેકે પણ મોદીના રોલમાં સારી એક્ટિંગ કરી છે. વહેલી સવારે 2 વાગ્યે ઉઠીને પ્રોસ્થેટિક મેકઅપ કરાવનારો વિવેક મહદઅંશે મોદીનો લુક અપનાવવામાં સફળ રહ્યો છે. તેણે મોદીના અવાજને કૉપી કરવાનો પણ પ્રયત્ન કર્યો છે. બીજી તરફ અમિત શાહના રોલમાં મનોજ જોશી પણ ફિટ બેસી રહ્યા છે. ફિલ્મના ડાયલોગ જોરદાર છે અને સ્ક્રીપ્ટ તથા સ્ક્રીનપ્લે પણ કસેલા છે. ફિલ્મના લોકેશન્સ સુંદર દેખાઇ રહ્યા છે. ખાસ કરીને હિમાલયના ફિલ્માવવામાં આવેલા સીન્સની સિનેટોગ્રાફી સારી છે. ફિલ્મનું સંગીત અને બેકગ્રાઉન્ડ સ્કોર સારો છે.