મુલાકાત / દેશની આર્થિક વૃદ્ધિને લઇને અર્થશાસ્ત્રીઓ સાથે PM મોદીનું આજે મહામંથન

આ બેઠકમાં અલગ-અલગ મંત્રીઓ, નીતિ આયોગના અધિકારી, પ્રમુખ અર્થશાસ્ત્રી, ક્ષેત્રના વિશેષજ્ઞ અને ઉદ્યોગપતિઓ સામેલ થશે. આ બેઠક હાલમાં રજૂ કરવામાં આવેલ જીડીપી વૃદ્ધિના આંકડા બાદ યોજવામાં આવી રહી છે.
 

વડાપ્રધાન નરેન્દ્ર મોદીની બજેટ અગાઉ અર્થશાસ્ત્રીઓ સાથે આ મુલાકાતને ઘણી મહત્વની માનવામાં આવી રહી છે. પીએમ મોદી દિલ્લીના વિજ્ઞાન ભવન ખાતે અર્થશાસ્ત્રીઓ સાથે મુલાકાત કરશે. ઉલ્લેખનીય છે કે 5 જૂલાઇના રોજ કેન્દ્રની મોદી સરકાર બજેટ રજૂ કરશે. આમ આ અગાઉ યોજનારી આ બેઠકને મહત્વપૂર્ણ માનવામાં આવી રહી છે. 
 

જ્યારે બીજી તરફ કેન્દ્રીય નાણાં પ્રધાન નિર્મલા સીતારમણ 5 જૂલાઇના રોજ સંસદમાં  બજેટ રજૂ કરશે. આ અગાઉ નાણાં પ્રધાન અલગ-અલગ સંગઠનો અને અધિકારીઓ સાથે મુલાકાત કરી રહ્યાં છે. બજેટ અગાઉ અને નવી સરકાર બન્યા બાદ કેન્દ્રીય નાણાં પ્રધાન નિર્મલા સીતારમણે પોતાની પ્રથમ જીએસટી કાઉન્સીલ  બેઠક કરી.