દિલ્હી / પેરિસ ઓલિમ્પિકમાં ભાગ લેનારા રમતવીરોને PM મોદી મળ્યા, 'વિશેષ ભેટ'નો વીડિયો આવ્યો સામે

પ્રધાનમંત્રી નરેન્દ્ર મોદીએ સ્વતંત્રતા દિવસ પર ભારતના પેરિસ ઓલિમ્પિક ગ્રુપ સાથે મુલાકાત કરી. ભારતે ઓલિમ્પિકમાં આ વખતે 6 મેડલ પોતાના નામે કર્યા. મુલાકાત વખતે પીએમ મોદીએ ખોલાડીઓને સંબોધિત કર્યા.

તે મેડલ જીતનાર ખેલાડીઓને મળ્યા. બ્રોન્ઝ જીતનાર ભારતીય હોકી ટીમ, શૂટર મનુ ભાકર, રેસલર અમન સહરાવત, સ્વપ્નિલ કુસાલે અને સરબજોત સિંહ સાથે પીએમ મોદીએ મુલાકાત કરી. આ મુલાકાતનો વીડિયો સામે આવ્યો છે.

સિંધુ અને નીરજ ન મળી શક્યા

સ્ટાર ખેલાડી નીરજ ચોપડા પીએમ મોદીને હાલ ન મળી શક્યા. તે પેરિસ ઓલિમ્પિકથી સ્વદેશ પરત નથી ફર્યા. નીરજ સારવાર કરાવવા માટે જર્મની ગયા છે. બીજી બાજુ બેડમિંટન સ્ટાર પીવી સિંધુ પણ ખાનગી કારણોથી મળવા ન પહોંચી શક્યા. 2 ઓલિમ્પિક મેડલ જીતનાર સિંધુ આ વખતે ખાલી હાથ પરત ફર્યા હતા. તે મેડલ ન હતા જીતી શક્યા.

પીએમ મોદીની મોટી જાહેરાત

આ વચ્ચે પ્રધાનમંત્રી નરેન્દ્ર મોદીએ સ્વતંત્રતા દિવસ પર લાલ કિલ્લાથી મોટી જાહેરાત કરી છે. તેમણે ઓલિમ્પિક રમતમાં મેડલ જીતનાર ભારતીય ખેલાડીઓને શુભકામનાઓ આપી અને કહ્યું કે તેમના માટે સંપૂર્ણ તૈયારી કરવામાં આવી રહી છે કે વર્ષ 2036ના ઓલિમ્પિક ભારતની ધરતી પર રમાય.

તેમણે કહ્યું, "સાથીઓ, હિંદુસ્તાનનું સપનું છે કે 2036માં જે ઓલિમ્પિક થાય તે ભારતની ધરતી પર થાય તેના માટે અમે તૈયારી કરી રહ્યા છીએ. આગળ વધી રહ્યા છીએ."

વધુ વાંચો: હવે ઓવર સ્પીડમાં ગાડી ચલાવી તો થશે 5000નો દંડ, જાણો ક્યાં શરૂ કરવામાં આવ્યા ઓટોમેટિક ઈ-ચલણ

મેડલ વિનર્સને આપી શુભકામનાઓ

પીએમ મોદીએ સ્વતંત્રતા દિવસ પર લાલ કિલ્લા પરથી સંબોધન કરતા ત્યાં ઉપસ્થિત ઓલિમ્પિક વિજેતાઓનો ઉલ્લેખ કર્યો. મોદીએ કહ્યું, "આજે અમારી સાથે તિરંગાની નીચે એ યુવાનો બેઠા છે જેમણે ઓલિમ્પિકની દુનિયામાં ભારતનો પરચમ લહેરાવ્યો છે. હું પોતાના દેશના બધા ખેલાડીઓને 140 કરોડ દેશવાસીઓની તરફથી શુભકામનાઓ આપુ છું. અમે નવા સપના, નવા સંકલ્પ અને પુરૂષાર્થની સાથે નવા લક્ષ્યોની તરફ વધીશું."

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ