ઉપાય / લૉકડાઉનમાં કામની સાથે PM મોદી આ રીતે કરે છે સમય પસાર, શૅર કર્યો 3D વીડિયો

• PM મોદીએ શૅર કર્યો વીડિયો
• 3D વર્ઝનમાં અનેક ભાષાઓમાં છે વીડિયો
• મન કી બાતમાં પણ કહ્યું કે લૉકડાઉનમાં રહો ફિટ

I am neither a fitness expert nor a medical expert. Practising Yoga has been an integral part of my life for many years and I have found it beneficial. I am sure many of you also have other ways of remaining fit, which you also must share with others.

— Narendra Modi (@narendramodi) March 30, 2020

દેશમાં કોરોના વાયરસનો સંકટ સતત ફેલાયો છે ત્યારે 21 દિવસનું લોકડાઉન લાગુ કરવામાં આવ્યું છે. દરમિયાન વડા પ્રધાન નરેન્દ્ર મોદીએ રવિવારે રાષ્ટ્ર સાથે વાત કરી હતી. આ સમય દરમિયાન પીએમ મોદીએ કોરોના વાયરસ વિશે વિગતવાર ચર્ચા કરી અને લોકડાઉન દરમિયાન કેવી રીતે સમય પસાર કરવો તે લોકોને જણાવ્યું. દરમિયાન પીએમએ યોગ અંગે ચર્ચા કરી અને તેનો વીડિયો મૂકવાનું કહ્યું. સોમવારે સવારે પીએમ મોદીએ ટ્વીટમાં કેટલાક વીડિયો અપલોડ કર્યા હતા, જેમાં જુદા જુદા યોગાસનનો વિશે જણાવાયું છે. 

PM મોદીએ વીડિયો માટે કહી આ વાત

પીએમએ લખ્યું હતું કે તે કોઈ ફિટનેસ એક્સપર્ટ કે મેડિકલ એક્સપર્ટ નથી. પરંતુ યોગા કરવું એ ઘણા વર્ષોથી તેના જીવનનો એક ભાગ છે, જેનો તેમને ફાયદો પણ થયો છે. હું આશા રાખું છું કે તમે પણ ફિટ રહેવાની ઘણી રીતો અપનાવી રહ્યા છો. પીએમએ તેમના યોગના આ વિડિઓઝને ઘણી ભાષાઓમાં અપલોડ કર્યા છે. આ વીડિયો એનિમેટેડ ફોર્મમાં છે. પીએમ મોદીનો આ 3ડી અવતાર યોગના અલગ અલગ આસનો કરી રહ્યો છે. 

લૉકડાઉનને લઈને માંગી ગરીબો પાસે માફી

વડા પ્રધાન નરેન્દ્ર મોદીએ રવિવારે લૉકડાઉનની વાત કરતા દેશના ગરીબોની માફી માંગી હતી. પીએમએ કહ્યું કે તેમને કોરોના વાયરસથી લડવા માટે સખત નિર્ણયો લેવા પડ્યા છે, જેના કારણે લૉકડાઉન થયું છે અને લોકોને મુશ્કેલીનો સામનો કરવો પડી રહ્યો છે. આવી સ્થિતિમાં તે ગરીબ ભાઈ-બહેનોની માફી માંગે છે. લૉકડાઉનને કારણે અલગ અલગ રાજ્યોના મજૂરોને મોટી અસર થઈ છે. કામ બંધ થવાના કારણે મજરોની સામે ખાવા કમાવવાનું સંકટ સર્જાયું છે.