લોકડાઉન / PM મોદીએ કહ્યું, જો આ વાતોનું પાલન કર્યુ તો 20 એપ્રિલ પછી અમુક છૂટછાટ અપાશે

આ સાથે પીએમ મોદીએ કહ્યું કે આપણો આ પ્રયાસ કોરનાને રોકવામાં ઘણો સફળ રહ્યો છે. જો કે લોકડાઉનમાં છૂટછાટના બદલે પીએમ મોદીએ વધુ કડકથી અમલ કરવાને લઇને જણાવ્યું છે. 
 

પીએમ મોદીએ કહ્યું કે આવનારા એક અઠવાડીયામાં લોકડાઉનનું કડક પાલન કરવામાં આવશે. પીએમ મોદીએ કહ્યું આવનારા અઠવાડિયામાં કોરોના વિરુદ્ધની લડાઇમાં કઠોરતા વધારવામાં આવશે. 20 એપ્રિલ સુધી દરેક પોલીસ સ્ટેશન, જિલ્લા તેમજ દરેક રાજ્ય પર ઝીણવટ ભરી નજર રાખવામાં આવશે. 
 

પીએમ મોદીએ કહ્યું કે પરિસ્થિતિની સમીક્ષા કર્યા બાદ જ લોકડાઉનમાં છૂટછાટ આપવા પર નિર્ણય લેવામાં આવશે. પીએમ મોદીએ કહ્યું કે લોકડાઉનનું કેટલું કડક  પાલન કરવામાં આવે છે તેનું મૂલ્યાંકન કરવામાં આવશે.

જો હોટસ્પોટ નહી વધરાશે તો તે જગ્યાઓ પર 20 એપ્રિલ બાદ કેટલીક જીવનજરૂરિયાત વસ્તુઓમાં છૂટછાટની મંજૂરી આપવામાં આવશે. પરંતુ આ છૂટછાટ શરતોને આધીન રહશે. તેમ છતાં જો નિયમોનું પાલન નહીં થતું હોય તો તમામ છુટછાટ પરત લઇ લેવામાં આવશે.