કુટનીતિ / PM મોદી આ મહિને અમેરિકાના પ્રવાસે જઈ શકે, જો બાયડન સાથે થશે મુલાકાત, જાણો શું છે એજન્ડા

• પીએમ મોદી 22થી 27 સપ્ટેમ્બરની વચ્ચે અમેરિકાનો પ્રવાસ કરી શકે 
• મોદી બે વર્ષ બાદ ફરી અમેરિકાનો પ્રવાસ કરી રહ્યા છે
• બન્ને પક્ષો ભારત -પ્રશાંત વિસ્તારના એક મહત્વકાંક્ષી એજન્ડા પર વાતચીત કરી શકે

પીએમ મોદી 22થી 27 સપ્ટેમ્બરની વચ્ચે અમેરિકાનો પ્રવાસ કરી શકે 

મીડિયા રિપોર્ટ્સ મુજબ આ દરમિયાન તે વોશિંગ્ટન ડીસી અને ન્યૂયોર્કનો પ્રવાસ કરી શકે છે. આ વર્ષની શરુઆતમાં રાષ્ટ્રપતિ તરીકે જો બાયડનના સત્તા સંભાળ્યા બાદ પીએમ મોદીનો પહેલો અમેરિકા પ્રવાસ હશે. હાલમાં પીએમ મોદીના આ કાર્યક્રમને અંતિમ ઓપ આપવામાં આવી રહ્યો છે. જો બધુ જ બરાબર ચાલ્યુ તો 22થી 27 સપ્ટેમ્બરની વચ્ચે અમેરિકાનો પ્રવાસ કરી શકે છે.

મોદી બે વર્ષ બાદ ફરી અમેરિકાનો પ્રવાસ કરી રહ્યા છે

પીએમ મોદી અને અમેરિકન રાષ્ટ્રપતિ જો બાયડનની વચ્ચે પહેલી ફેસ ટુ ફેસ મુલાકાત હશે. આ પહેલ તે બન્ને નેતા ઓછામાં ઓછી 3 વાર વર્ચ્યૂઅલ સમિટ મુલાકાત કરી ચૂક્યા છે. સૌથી પહેલા આ બન્ને આ વર્ષે માર્ચના ક્વાર્ડ શિખર સમ્મેલનમાં મળ્યા હતા. આ બાદ જળવાયુ પરિવર્તન સમ્મેલન અને છેલ્લે જી -7ની બેઠકમાં મળ્યા હતા. ઉલ્લેખનીય છે કે સપ્ટેમ્બર 2019 માં મોદી અમેરિકા ગયા હતા. ત્યારે હવે  બે વર્ષ બાદ ફરી પ્રવાસ કરી રહ્યા છે.

બેઠકનો એજન્ડા

મનાઈ રહ્યું છે કે આ પ્રવાસ દરમિયાન બન્ને પક્ષો ભારત -પ્રશાંત વિસ્તારના એક મહત્વકાંક્ષી એજન્ડા પર વાતચીત કરી શકે છે. ચીને બન્ને દેશોની ચિંતા વધારી દીધી છે. કહેવાઈ રહ્યું છે કે મોદીના પ્રવાસ દરમિયાન વોશિંગ્ટનમાં ક્વાર્ડ નેતાઓના શિખર સંમેલનની યોજના બનાવાઈ રહી છે. પરંતુ જાપાન પીએમ યોશિહિદે સુગાએના રાજીનામા બાદ સ્થિતિ થોડી બદલાઈ ગઈ છે. સૂત્રોના જણાવ્યાનુસાર ક્વાર્ડ નેતાઓના વ્યક્તિગત શિખર સમ્મેલનમાં મળવાની આછા ઓછી છે. પરંતુ મોદી અને જો બાયડન આમાં વ્યક્તિગત રુપે સામેલ થશે. જ્યારે ઓસ્ટ્રેલિયાના સ્કોટ મોરિસન અને જાપાનના સુગા વર્ચ્યૂઅલ માધ્યમથી જોડાઈ શકે છે.

આ એજન્ડા પર ચાલી રહી છે વાત

અંગ્રેજી અખબાર મુજબ પીએમના એજન્ડાને આકાર આપવા માટે વિદેશ સચિવ હર્ષવર્ધન શ્રૃંગલાએ વોશિંગ્ટનમાં બાયડન પ્રશાસનના મુખ્ય અધિકારીઓ સાથે મુલાકાત કરી છે. આ દરમિયાન વિદેશ મંત્રી એન્ટની બ્લિંકન અને તેમના ઉપ સચિવ વેન્ડી શર્મન પણ સામેલ હતા. કહેવાઈ કહ્યું છે કે તેમની સાથે રાજનીતિક દ્વિપક્ષીય સંબંધો પર મહત્વપૂર્ણ ચર્ચા કરવામાં આવી છે અને અફઘાનિસ્તાનમાં હાજર સ્થિતિ પર વાતચીત કરવામાં આવી છે.